Kitna haseen phir se nazara bana diya
Jaisay Khuda ne us ko dobara bana diya
Aya tha imtihaan main mazmoon husan par
Parchay main sab ne chehra tumhara bana diya
Kashti ko aasra koi thora sa to rahay
Rangon se baad'baan pe kinara bana diya
Yousaf kay husan ki zara tanees pooch li
Kaghaz pe sab ne chehra tumhara bana diya
Ehsaan lay saka na khud apna bhi main Adeem
Khud ko bhi doosron ka sahara bana diya
No comments:
Post a Comment