Main teri aankhon main gum aur tu meri baat main gum
Achay khasay ho jatay hain in halaat main gum
Jis se bolo us kay honton par ho gi ik chup
Jis ko dekho wohi milay ga apni zaat main gum
Tu kya janay rehnay walay roz-o-shab se door
Sadi sadi ka din hai mera teri raat main gum
Teri chah ki dhund main aisay khoya mera mann
Jaisay koi subha ho jati hai barsaat main gum
Kis kay dukh se zard hui hai rangat pairon ki
Sabza kis kay baad hua hai ik ik paat main gum
No comments:
Post a Comment