Niklay gi jab bhi rooh badan ki kaman se
Aaye ga teer door bhout aasman se
Yeh baar-e-khaak tan se utarnay to do zara
Hairat main doob jayo gay us ki uraan se
Kitnay gawah qatal-e-wafa kay thay chasham-e-deed
Ik lafaz bhi na nikla kisi ki zuban se
Yeh faaslay dilon kay samandar ki misal hain
Us ka makan to door nahin hai makan se
Jo ghao bhar gaya hai ussay dekhtay ho kya
Takleef ka pata na chalay ga nishan se
Logon kay ashk ponjh kar aisay laga Adeem
Khushiyan khareed li hain ghamon ki dukan se
No comments:
Post a Comment