Parbat parbat urray phiray hain mann panchi be'chain
Janay kahan kahan le jayein sanwariya kay nain
Ayo kahin chup kay rotay hain warna nagri main
Koi sunay na hook dilon ki koi sunay na bain
Woh dheeray dheeray dhundla hua jata hai mehtaab
Beet chala hai jeewan jaisay beet chali ho rain
Hum to jaisay dil aankhon main lay kay phirtay hon
Baithay baithay hansi main ro detay hain nain
Bolo Farhat aakhir kis ko dekh kay aaye ho
Muddat baad teri aankhon main dekha hai sukh chain
No comments:
Post a Comment