Puranay zard patton kay bahanay darakhton se utar aaye zamanay

Puranay zard patton kay bahanay 

Darakhton se utar aaye zamanay 

Yeh pattay khaak ka zewar nahin thay 

Yeh saray hi bulandi par kahin thay 

Jo maaray maaray phirtay hain dewanay 

Darakhton se utar aaye zamanay 

Hain apnay dard kay hum'raaz pattay 

Her ik mousam se hain naraz pattay 

Inhein ab kon aaye ga mana'nay 

Darakhton se utar aaye zamanay 

Yeh peelay dil hawa kay aasray par

Paray hain bas khuda kay aasray par

Koi aaya nahin in ko uthanay 

Darakhton se utar aaye zamanay 

Kabhi shakhon se thay phootay prinday 

Yeh harjai baray jhootay prinday 

Yeh pattay yeh khizaon kay fasanay 

Darakhton se utar aaye zamanay 

Puranay zard patton kay bahanay 

Darakhton se utar aaye zamanay