Pehlay falak pe noor ka meenar ban gaya
Phir is zameen pe saya-e-dewar ban gaya
Maathay pe dil kay haal ki surkhi likhi gayi
Insan na main hua koi akhbar ban gaya
Jis din se main ne nirkh wafa kay barha diye
Sara hi shaher mera kharidaar ban gaya
Hona tha yeh mazaq bhi ik din junoon kay saath
Dil bhi Adeem sahib-e-kirdar ban gaya
Shayed mujhay hi dekh kay duniya sambhal sakay
Main is liye adeem gunah'gaar ban gaya
No comments:
Post a Comment