Ik main , aur us pe woh bhi mera yaar ban gaya
Dewar par bhi saya-e-dewar ban gaya
Us ne to mujh pe khol diya tha dar-e-wisal
Apna zameer raah ki dewaar ban gaya
Sab aik hi nazar se ussay dekhnay lagay
Lagta hai sab ka aik hi kirdaar ban gaya
Main ne mujasmay ko teray naqsh kya diye
Pathar zara si dair main shah'kaar ban gaya
Aisay Adeem aansu khushi main rawan huye
Jaisay keh motiyon ka koi haar ban gaya
Masloob aur saleeb galay mil gaye Adeem
Ik la'zawal wasal sar-e-daar ban gaya
No comments:
Post a Comment