Raaz-e-dil aam kar gaye aansu
Gham ko bad'naam kar gaye aansu
Aaj us ne bhi haal pooch liya
Aaj to kaam kar gaye aansu
Log phoolon kay saath ponchay thay
Aur hum thaam kar gaye aansu
Hum kisi kay na thay magar hum ko
Aap kay naam kar gaye aansu
Her kisi aankh ne lagaye daam
Gham ko neelam kar gaye aansu
Dhund si chaa gayi hai aankhon main
Her taraf shaam kar gaye aansu
Baat main bhi bhout asar tha Adeem
Aur kuch kaam kar gaye aansu
Shairy sirf shairy thi Adeem
Us ko ilhaam kar gaye aansu
No comments:
Post a Comment