Kar kay wafa palat kay wafa maangnay laga
Kya zarf tha gharri main sila maangnay laga
Yeh qehat-e-husan tha nihayat thi husan ki
Her shakhs us haseen ka pata maangnay laga
Us ki hatheliyon pe khilay phool dekh kar
Her meh'jabeen ka haath hina maangnay laga
Jab se ussay aziz hui meri zindagi
Main apni zindagi ki dua maangnay laga
Seenay se aah , aankh se aansu talab kiye
Gham ka shajar bhi Aab-o-hawa maangnay laga
Humdardiyan woh baad saza us ne kein Adeem
Jo be'khata tha woh bhi saza maangnay laga
Halaat is qadar thay digar'goon zameen kay
Aa kar zameen pe bheek na'khuda maangnay laga
No comments:
Post a Comment