Tamana'on kay sab dar kholta hai
teri aankhon ka lehja bolta hai
Chupanay ki koi surat nahin hai
Koi oper se sab kuch dekhta hai
Suna hai bheegti hain us ki palkein
Woh jab bhi kuch Khuda se maangta hai
Kahin se roshni laao Khudara
Meray ghar main andhera bolta hai
Meray charon taraf phaili hai khushbu
Yeh lagta hai woh mujh ko sochta hai
Na janay kiyon mujhay lagta hai aisa
Keh woh kuch mujh se kehna chahata hai
No comments:
Post a Comment