Tu ne kis jaga pe utara hai abhi
Kis qadar door kinara hai abhi
Apni taqdeer badal sakta hoon
Meri mutthi main sitara hai abhi
Zindagi kehti hai kuch dair thehr
Lakin is ka ti ishara hai abhi
Tum abhi paas kharay ho meray
Mujh ko her shakhs gawara hai abhi
Hum ussay somp chukay hain sab kuch
Aur woh kehta hai khasara hai abhi
Wasal kuch dair thehar janay de
Dil teray hijar ka maara hai abhi
Dekh talti hai musibat kaisay
Main en mola ko pukara hai abhi
No comments:
Post a Comment