Tumhara pyara chupp chupp kar kai chehray badalta hai , mujhay tum yaad aatay ho
Tumhara hijar shiddat se meray dil ko masalta hai , mujhay tum yaad aatay ho
Samandar aashna aankhon main sehraa aan bastay hain tumhain jab bhool jata hoon
Phir in sehraaon main khawab ka chashma nikalta hai , mujhay tum yaad aatay ho
Main apnay haath se teri sunehri yaad ki palkein sajata hoon khayalon main
Khayalon main tera mousam kai pehlu badalta hai , mujhay tum yaad aatay ho
Teri parchaiyan , her su meray , tanhaiyon ka raqs karti hain udasi par
Meray seenay main ik be'chain sa bacha machalta hai , mujhay tum yaad aatay ho
Kisi foot'path par bazaar main , baghaat main ya phir kisi dariya kinaray par
Bhout khush ho kay jab koi kisi kay saath chalta hai , mujhay tum yaad aatay ho
Main sara din koi sangi mujasma ban kay rehta hoon magar jab shaam dhalti hai
Meray dil ki jaga par koi pathar sa pighalta hai , mujhay tum yaad aatay ho
Tasawur main tumharay sang beeti baarishein aksar tumhein awaz deti hain
Nigahon main tumhari dhoop ka ik deep jalta hai , mujhay tum yaad aatay ho
Kabhi koi sitara aankh se hota hau bujhta hai aa kay goad main gir kar
Bhi koi bhout door ubharta aur dhalta hai , mujhay tum yaad aatay ho
No comments:
Post a Comment