"Aa laga jungle dar-o-dewaar se"
Apnay aap ko aik shola biyaan muqar'rar se
Ba'mushkil bachatay huye
Logon aur jhanson ki bheer se nikal to aaya
Lakin bahir aa kar pata chala
Keh meray paon meri tangon kay saath nahin hain
Main wapis palta
Aur khasi koshish kay baad sirf jutay talash kar saka
Sarak paar kartay huye
Aik raftaari gari ki zad main aaya to bach na saka
Gari mujhay uchaal kar door phaink gayi
Aur jatay jatay meri taang apnay saath lay gayi
Meray jutay wahin paray reh gaye
Aur mujhay hospital poncha diya gaya
Jahan meri aankh
Meri be'hoshi kay aalam main ati'aye kay tor pe le gayi
Kuch dino baad hospital se farigh ho kar nikla
To aik jaib katray se takraa gaya
Jo jaib ko bilkul khaali paa kar
Meri ungliyan hi kaat kar le gaya
Main report darj karwanay gaya to
Mohafazon ne kaha
Keh halaat aisay nahin keh koi bhi
Itnay sahi salamt bazu khulay aam saath liye phiray
Aur phir unhon ne ehtiyatan meray haath jisam se kaat kay apnay
Maal khanay main rakh liye
Wahan se chala aur bazar main aaya
To jaga jaga ishtiharon , bennaron se dewarein bhari nazar ayein
Jin main emaan walon se
Mulak , qoam aur mazhab kay naam par
Saron aur gardano ki qurbani paish karnay ki appelein ki gayi thein
Is se pehlay keh kuch samajhta ya sochta
Aqeedon aur nazriyaat ka aik azda'haam mujh par hamla'awar ho chuka tha
Jo bil'aakhir mera sar meray tan se juda kar kay le gaya
Main larr kharaya aur zameen par aa raha
Woh 3 pathreeli Ayriyan mujhay kuchaltay huye guzar gayein
Abhi kuch ziyada dair nahin hui thi keh
2 yakh barfeelay haathon ne uthaya mera katta phatta aur toota phoota badan
Aur haath se dhakelay janay walay aik chotay se lakri kay
Chakrray lita diya
Chakkra hila aur aik simt dhakela janay laga
Saath hi aik awaz meray kaano main pari
"De ghreeb ko Allah tujhay sari duniya ki badshahat de "
"De ghreeb ko Allah tujhay zindagi main koi dukh na de "
Kuch hi dair baad
Chotay chotay sikkay meray shakista jisam par girnay lagay
No comments:
Post a Comment