Woh shakhs mujh ko jeet kay haara hai aur bas
Itna hi zindagi ka khasara hai aur bas
Kaisay kahon keh us ka irada badal gaya
Sach to yahi hai us ne pukara hai aur bas
Duniya ko is main dard ki shiddat kahan milay
Aankhon se toot'ta hua tara hai aur bas
Lafzon main dard-e-hijar ko mehsoos kar kay dekh
Kehnay ko main ne waqat guzara hai aur bas
Ab un main koi khawab sajanay nahin mujhay
Aankhon ko intizaar tumhara hai aur bas
Main ne kaha keh khawab main dekhi hain baarishein
Us ne kaha keh aik ishara hai aur bas
No comments:
Post a Comment