Yeh to nahin urooj-e-baharan chasheeda hoon
Ae mousam-e-khizan main abhi no'dmeeda hoon
Hansta hoon is liye keh tabasum guzeeda hoon
Duniya samjh rahi hai sitam na'reseeda hoon
Meri sada jidher hai udher ki hawa nahin
Awaz hoon zaroor maga na'shaneeda hoon
Woh samnay hai phir bhi mujhay dekhta nahin
Main afreeda ho kay bhi na'afreeda hoon
Ab tak sawal-e-hijar ka soojha nahin jawab
Ik umar ho gayi hai youn hi sar'khameeda hoon
Dar hai keh aansu'on main kahin tu doob na jaye
Tu samnay na aa main abhi aab'deeda hoon
Ik aaftab-e-hijar falak par hua talooh
Lagta hai sad'hazar qayamat chasheeda hoon
Sab aarzi haroof hain tehreer-e-waqat kay
Mujh main yeh farq hai keh zara khat'kasheeda hoon
Dast-e-talab karon to bhala kis tarah daraaz
Maloom hai mujhay keh main daman da'reeda hoon
Dhalta nahin nigah se manzar judai ka
Halan'keh main to sham-o-sehar aab'deeda hoon
No comments:
Post a Comment