Ab dhoop bhool jao keh suraj yahan nahin
Aisi zameen mili hai , jahan aasman nahin
Kaghaz pe raat apni siyahi bichaa gayi
Koi lakeer teray meray darmiyan nahin
Raaz ab khula teri narazgi kay baad
Tu meharban nahin to koi meharban nahin
Haan roshni nahin hai magar is ki daad do
Her taaq main chragh hai lakin dhuwan nahin
Jaa mera shair likh de gulabon ki shaakh par
Phoolon kay aas paas agar titliyan nahin
Meera , Kabir , Chishti-o-na'nak kay naam ko
Jo dais bhool jaye woh hindutan nahin
No comments:
Post a Comment