Udas aasman hai , dil mera kitna akela hai
Prinda shaam kay pal par bhout khamosh baitha hai
Main jab so jaon in palkon pe apnay hont rakh dena
Yaqeen aa jaye ga , palkon talay bhi dil dharakta hai
Tumharay shaher kay saray diye to so gaye kab kay
Hawa se poochna , dehleez pe yeh kon jalta hai
Agar fursat milay pani ki tehreeron ko parh lena
Her ik dariya hazaron saal ka afsana likhta hai
Kabhi main apnay hathon ki lakeeron se nahin uljha
Mujhay maloom hai qismat ka likha bhi badalta hai
Phir is kay baad tanhai pa'rakhti hai musafir ko
Jahan tak roshni hai apna saya saath deta hai
Samandar paar kar kay jab main aaya dekhta kya hoon
Hamaray do gharon kay beech sanaton ka dariya hai
Makan se kya mujhay lena , makan tum ko mubarak ho
Magar yeh ghaas wala reshmi qaleen mera hai
No comments:
Post a Comment