Daikh kar dana jo aaye hain sar-e-shakh prind
Rutt badalnay pe to youn bhi nahin rehnay walay
Shaher-e-veerani main sehra-o-biyabaan se barha
Ab to yahan ehal-e-junoon bhi nahin rehnay walay
Khaak ho jayein gay qatil bhi yahan teegh ba'dast
Aur ghal'teeda bakhon bhi nahin rehnay walay
Waqat aisa hai keh ab hashar hai kuch dair ki baat
Mut'maein ehal-e-sakoon bhi nahin rehnay walay
No comments:
Post a Comment