Jab us ki nawazish hoti hai , yeh mo'jaza tab ho jata hai
Alfaaz mehaknay lagtay hain , kaghaz bhi adab ho jata hai
Us ki thokar main hoti hai , sari duniya ki sha'inshahi
Darbar-e-madeena main jab bhi , dewana talab ho jata hai
Yeh aag , yeh matti , yeh pani , yeh aanchal ki gul'rez hawa
Phir kuch nahin rehta apna jab paisa bhi rab ho jata hai
Baarish kay baad paharon par qaleen bich'ha deta hai Khuda
Yeh dil ka ujra ray'gistan bhi shaher-e-tarb ho jata hai
Ik shair ghazal ka duniya ki tanqeed se bala'tar jano
So matlab is main hotay hain , jo be'matlab ho jata hai
Pandit , jolaha kehlaya , mann laakh is faqeeri main
Jis par sona chandi barsay , woh aali nasab ho jata hai
No comments:
Post a Comment