Khushbu ki tarah aaya woh tez hawaon main
Maanga tha jissay hum ne din raat duaon main
Tum chatt par nahin aaye , main ghar se nahin nikla
Yeh chand bhout bhatka sawan ki ghataon main
Is shaher main aik larki bil'kul hai ghazal jaisi
Bijli si ghataon main , khushbu si ada'on main
Mousam ka ishara hai khush rehnay do bachon ko
Masoom mohabbat hai , phoolon ki khata'on main
Hum chand sitaron ki raahon kay musafir hain
Hum raat chamaktay hain tareek khala'on main
Bhagwan hi bhejein gay chawal se bharri thaali
Mazloom prindon ki masoom sabhaon main
Dada baray bholay thay sab se yahi kehtay thay
Kuch zehar bhi hota hai , angrezi dawaon main
No comments:
Post a Comment