Jatay ho to le jao yaadein meray dil se
In shamon ka kya rishta ujri hui mehfil se
Is baar safar se hum kis shan se lotay hain
Maan baap ne pehchana hum ko bari mushkil se
Suraj se bacha'ein gay badal kay jazeeray kya
Tum ne bhi zameen maangi behtay huye saahil se
Anjaan si raahon main , main isi liye phirta hoon
Awaz hamein de ga shayed koi manzil se
Dil phoolon ki basti hai aur phool bhi yaadon kay
Ik raat yahin thehro , jao na abhi dil se
Zindan kay andheray bhi tareek nahin hotay
Kirnein si chamakti hain , naghmaat-e-sala'sal se
No comments:
Post a Comment