Kisi ki yaad main palkein zara bigho letay
Udaas raat ki tanhaiyon main ro letay
Dukhon ka bojh akelay nahin sambhalta hai
Kahin woh milta to us se lipat kar ro letay
Agar safar main hamara bhi hum'safar hota
Bari khushi se in hi pathron pe so letay
Tumhari raah main shakhon pe phool sookh gaye
Kabhi hawa ki tarah is taraf bhi ho letay
Yeh kya keh roz wohi chandni ka bistar ho
Kabhi to dhoop ki chadar bicha kay so letay
No comments:
Post a Comment