Tootay huye sitaar kay sab taar kas gaye
Baarish hui keh dard kay naghmay baras gaye
Kaisi siyah raat thi dehleez par kharri
Woh muskura diye to ujaalay baras gaye
Shadabiyon kay dour ka anjam yeh hua
Ab kay to boond boond ko dariya taras gaye
A khaak urr rahi hai gulabon kay shaher main
Woh lu hai ab kay keh pathar jhulas gaye
Ghar se khaloos kya gaya sab kuch chala gaya
Baton main ras nahin raha , hathon kay jas gaye
Kuch rashak mehar-o-maah yahan aaye thay kabhi
Koi to kuch bataye kahan ja kay bas gaye
No comments:
Post a Comment