Aazard'gaan-e-shaher ka jaisa bhi haal ho
Aye yaar-e-khush diyaar tujhay kiyon malaal ho
Ab baat dosti ki nahin hoslay ki hai
Laazim nahin keh tu bhi mera hum'khayal ho
Khud mera haath jab meri bar'badiyon main tha
Teri jabeen pe kiyon arq-e-in'fa'aal ho
Phir tu ne chairr di hai gayi sama'aton ki baat
Woh guftagoo na kar keh tujhay bhi malaal ho
Meri zarooraton se ziyada karam na kar
Aisa salook kar keh meray hasb-e-haal ho
Toota to hoon magar abhi bikhra nahin Faraz
Meray badan pe jaisay shakiston ka jaal ho
No comments:
Post a Comment