Tum se bhi ab to ja chuka hoon main
Door-ha-door aa chuka hoon main
Yeh bhout gham ki baat ho shayed
Ab to gham bhi ganwa chuka hoon main
Us gumaan-e-gumaan kay aalam main
Aakhrish kya bhula chuka hoon main
Ab babar'shair ishtihaa hai meri
Shairon ko to kha chuka hoon main
Main hoon ma'maar par yeh batlaa doon
Shaher kay shaher dhaa chuka hoon main
Haal hai ik ajab fraghat ka
Apna her gham manaa chuka hoon main
Log kehtay hain main ne jog liya
Aur dhoni rm'ma chuka hoon main
Nahin imlaa da'rust ghalib ka
Sheefta ko bata chuka hoon main
No comments:
Post a Comment