Woh jo tha woh kabhi mila , kabhi mila hi nahin
So giriban kabhi sila hi nahin
Us se her dam mo'amla hai magar
Darmiyan koi sil'sala hi nahin
Be'milay hi bichar gaye hum to
So gilay hain koi gila hi nahin
Tu jo hai jaan , tu jo hai jaana
Tu hamein aaj tak mila hi nahin
Mast hoon main mehak se us gul ki
Jo kisi baagh main khila hi nahin
Haye "Jon" us ka woh piyala-e-naaf
Jaam aisa koi mila hi nahin
Tu hai ik umar se faghaan paisha
Abhi seena tera chhilla hi nahin ?
No comments:
Post a Comment