Insaan ka her ayeb chupa deti hai kursi

Insaan ka her ayeb chupa deti hai kursi 

Budhon ko bhi zee'shan bana deti hai kursi 

Shab bhar main yeh muflis ko bana deti hai zar'daar 

Soi hui kismat ko jaga deti hai kursi 

Gaoun main jo mashoor hai "gulu" kay laqb say 

Uss shaks ko gulsher bana deti hai kursi 

Woh log jo mariyaal say nazar atay hain pehlay 

Un logoun ki tawanai ko barha deti hai kursi 

Ta umer woh phir uss kay liye bharta hai aahain 

Ik baar jisay jalwa dikha deti hai kursi 

Woh log jo rehtay hain karaye kay makan main 

Bangloun main unhain la kay bitha deti hai kursi 

Gar sahib-e-kursi hai faqat  3 hi foot ka 

Uss bonay ko  6 foot ka bana deti hai kursi 

Woh log jo ek lafz ada kar nahi saktay 

Taqreer ka fun unn ko sikha deti hai kursi 

Nazdeeq nahi aata niyaz! Iss kay koi bhi 

Jiss shakhs ko ek baar gira deti hai kursi

Daman main aansu'on ka zakheera na kar abhi

Daman main aansu'on ka zakheera na kar abhi 

Yeh sabar ka maqaam hai giriya na kar abhi 

Jis ki sakhawaton ki zamanay main dhoom hai 

Woh haath so gaya hai taqaza na kar abhi 

Nazrein jala kay daikh manazar ki aag main 

Israar-e-kainaat se parda na kar abhi 

Yeh khamoshi ka zehar nason main utar na jaye 

Awaz ki shakist gawara na kar abhi 

Duniya pe apnay ilam ki par'chaiyan na daal 

Aye roshni faramosh andhera na kar abhi 

Khuda kay bandon se kiyon umeed-e-wafa rakhtay ho

Khuda kay bandon se kiyon umeed-e-wafa rakhtay ho 

Zara apnay andar jhanko tum khud khuda rakhtay ho 

Apnay kir'daar ko rakhtay nahin paak saaf zara bhi 

Aur her waqat honton pe khushiyon ki dua rakhtay ho 

Ishq se aashna rakh apnay dil-e-be'qaraar ko 

Bhaa jaye jo khuda ko tum woh adaa rakhtay ho 

Ab to awaz bhi nahin deta tera zameer tujh ko 

Kiyon apnay aap se , apnay aap ko khafa rakhtay ho 

"Abaas" teri talaash ko ho ga kuch na muyassar zamanay se

4 din ki chahat main kiyon dil apna jalaa rakhtay ho 

Khuda kay bandon se kiyon umeed-e-wafa rakhtay ho 

Zara apnay andar jhanko tum khud Khuda rakhtay ho  

Sasural se jo maikay main aati hain biwiyan

Sasural se jo maikay main aati hain biwiyan

Sau sau tarah se dhoom machati hain biwiyan

Khanay mazay mazay kay khilati hain biwiyan

Jeenay ka jo maza hai chakhaati hain biwiyan

Kuch din to khoob aish karati hain biwiyan

Phir aish kay baad khoon rulati hain biwiyan

Kuch raat din nidhal hai biwi ke waaste

Paale ye sab wabaal hai biwi ke waaste

Itnay jatan se gher me jo aati hain biwiyan

Ungli per shoher ko nachaati hain biwiyan

qaida chati ka yaad dilati hain biwiyan

Ab yeh faisala kar lo

Uljhan

Ab yeh faisala kar lo 

Meri aankhon main rehna hai 

Ya phir dil main basa loon main 

Magar tum itnay nazuk ho 

Agar dil main basaya to 

Kahin phir toot na jao 

Ya phir aankhon main rehna hai 

Meri gehri udasi main 

Kahin tum doob na jao 

Yeh ab jo Morr aaya hai

Yeh ab jo Morr aaya hai 

Yeh ab jo morr aaya hai 

Yahan ruk kay kai baatein samjhnay ki zaroorat hai 

Keh yeh is raastay ka aik hissa hi nahin , saray 

Safar ka jaanchnay ka , daikhnay ka , tolnay ka 

Aik paymana bhi hai , yehni

Yeh aisa aaina hai 

Jis main aks haal-o-maazi aur mustaqbil

ba'yak lamha nu'mayan hai 

Yeh is ka ista'aara hai 

Jo apni manzil-e-jaan hai 

Suna hai raig-e-sehra kay safar main 

Raastay se 2 qadam bhatkein 

To manzil tak ponchnay main kai farsang ki doori nikalti hai 

Yeh ab jo morr aaya hai 

Yahan ruk kay kai baatein samjhnay ki zaroorat hai 

Is tarah zindagi ne diya hai hamara saath

Is tarah zindagi ne diya hai hamara saath 

Jaisay koi nibah raha ho raqeeb se 

Phir wohi hijar ka manzir hi raha aankhon main

Phir wohi hijar ka manzir hi raha aankhon main 

Yeh naya saal bhi khirki se guzartay daikha 

Junoon-e-sajda ki may'raaj hai yahi shayed

Junoon-e-sajda ki may'raaj hai yahi shayed 

Keh teray dar kay siwa koi aastaan na raha 

Phir mujhay deeda-e-tar yaad aaya

Phir mujhay deeda-e-tar yaad aaya 

Dil-e-jiger tishna-e-fariyaad aaya 

Zindagi youn bhi guzar hi jaati 

Kiyon tera raah guzar yaad aaya 

Phir teray koocha ko jaata hai khayal 

Dil-e-gum gashta magar yaad aaya 

Koi veerani si veerani hai 

Dasht ko daikh kay ghar yaad aaya 

Main ne majnu pe , lark'pan main "Asad"!

Sang uthaya tha , keh sar yaad aaya 

Hum parwarish loh-o-qalam kartay rahein gay

Hum parwarish loh-o-qalam kartay rahein gay 

Jo dil pe guzarti hai raqam kartay rahein gay 

Asbaab-e-gham-e-ishq ba'ham kartay rahein gay 

Veerani-e-doran pe karam kartay rahein gay 

Haan talkhi-e-ayaam abhi aur barhay gi 

Haan ehal-e-sitam mashq-e-sitam kartay rahein gay 

Manzoor yeh talkhi , yeh sitam hum ko gawara 

Dam hai to madaad-e-alm kartay rahein gay 

Baqi hai lahu dil main to her ashk se paida 

Rang-e-lab-o-rukhsaar-e-sanam  kartay rahein gay 

Ik tarz-e-taghafal hai so woh un ko mubarak 

Ik arz-e-tamana hai so hum kartay rahein gay

Aashiqui sabar talab aur tamana be'taab

Aashiqui sabar talab aur tamana be'taab 

Dil ka kya rang karoon khoon-e-jiger honay tak 

Hum ne maana keh taghafal na karo gay lakin 

Khaak ho jayein gay hum tum ko khabar honay tak 

Par to khor se hai shabnam ko fanaa ki taleem 

Main bhi hoon aik inayat ki nazar honay tak 

Yak nazar baish nahin fursat hasti-e-ghafil

Garmi-e-bazam hai ik raqs-e-sharar honay tak 

Gham-e-hasti ka "Asad' kis se ho juz marg-e-ilaaj 

Shamha her rang main jalti hai sehar honay tak 

Udhaar pehlay sab ka chukana chahiye tha

Udhaar pehlay sab ka chukana chahiye tha

Phir girl friend ko shopping pe le jana chahiye tha

Sun'nana zaroori thi kiya saaray jahan ki baaten?

Chai he to thi khud banana chahiye tha

Be wqat begam ko neend se na uthana chahiye tha

Maar khanay se to behtar tha kuch kaam kar letay

Bartan dho kay phir jharoo pocha lagana chahiye tha

Phir haathon se apnay khana bana'na chahiye tha

Tu takhla hai to ye hai tera bura naseeb...

Sar apna khud tum ko bachana chahiye tha

Foot ball ko to bas koi nishana chahiye tha

Begam le kay jharoo dori dostoon k peechhay

Be waqat dostoon ko dawat pe na bulana chahiye tha

Bulaya he tha to na aisay bhagana chahiye tha

Char saal se ki chating nikli 40 saal ki

Umar to usay apni batana chahiye tha

Ya jawani ka photo na dikhna chahiye tha

Udhaar pehle sab ka chukana chahiye tha

Phir girl friend ko shopping pe le jana chahiye tha

Aisi apni wife ho

Aisi apni wife ho

5' 6" jis ki height ho

Jeans jis ki tight ho

Chehara jis ka bright ho

Umar 22 se 27 ho

Aisi apni wife ho

Sadak per sab kahein kya cute ho

Bhir main sab kahe side ho

mumbai, delhi ya gujarat ki paidaish ho

Sas ki seva jis ki khwahish ho

Aisi apni wife ho

Parosi jab baat karein to haath main knife ho

Dinner kay time candle light ho

Hum main tum main kabhi na koi fight ho

Milnay kay baad dil delight ho

Yeh kavita parhne ke baad log kahein "chikne, tum right ho"

Aisi apni wife ho

Kaash yeh concept .0001 percent bhi right ho

Agar aisi apni wife ho

To kya haseen life ho

Har kisi ki yahi farmaish ho

Kudrat ki bhi aazmaaish ho

Khuda kay software mein bhi bug ki gunjaish ho

Ay kaash, kahin to ek aisi paidaish ho

Aisi apni wife ho!

Maal-o-zarr ki inteha chahta hoon

Maal-o-zarr ki inteha chahta hoon

Main bankon main kharbon rupeya chahta hoon

Election main jeetun curruption main luutun

Hakumat main ohda barra chahta hoon

Mohabbat mubarik ,muhab-e-watan ko

Dagha day kay daad-e-wafa chahta hoon

Jahan chaahon rakh dun khud apni girvi

Main shaabash aur hosla chahta hoon

Churra kay main lay jaun mulki khazaana

Tajori ka har darr khula chahta hoon

Nahi baal-e-jibril-o-baang-e-dra main

Sabak jo main seekhna chahta hoon

Teray kaan main raaz ki baat keh di 

Keh main fazl-e-rabbi khuda chahta hoon

Jiya hoon main kha kay karo'ron ki rishwat

To kya itni jaldi mra chahta hoon

Jiyun ga main jab tak karun ga hakumat

Keh is kom ka main bhala chahta hoon

Siyaasat hai meri riyaasat hai meri

Main aaba ki rasmain rwa chahta hoon

Na mazduur khush hon na dehkan razi

In;hein be-sakun dekhna chahta hoon

Nahi tuur ki raas mujh ko tajalli

Na musa hun or na Essa chahta hoon

Kaash iss eid par main tera bakra hota

Kaash iss eid par main tera bakra hota

Aur kissi nay na sahi tu nay to mujhay pakra hota

Tu hina lagay haathon say mujhay pathey khilati

Thoray thoray nahi saray akathey khilaati

Tu mujhay main main kar ke bulaati 

Aur sham ko gali main saath ghumaati

Mere pass gaari na sahi chakhra hota 

Kaash iss eid par main tera bakra hota

Tu meri sohbat par naaz karti

Bila-jhijhak mujhay aashna-e-raz karti

Agar mera raqeeb mujhe chehra karata

Seeng marta foran ussay takar karata

Raat ko sardi main bahir akra hota 

Kaash iss eid par main tera bakra hota

Phir eid par zibah ho jata main 

Teri khatir cut mar jata main

Teri mohabat nay kuch iss tarah jakra hota

Kaash iss eid par main tera bakra hota

Aaj tak woh band baja shaamiyana yaad hai

Aaj tak woh band baja shaamiyana yaad hai

Khud ko itni dhoom se sooli charhana yaad hai

Teen moqay bhi diye qazi nay ghor-o fikr kay

Aaj tak who qeemati moqay ganwana yaad hai

Aik nah kafi thi her muskil se bachnay kay liye

Hum ko han ka faislaa woh ehmaqana yaad hai

Ghar jisay laa'iye thay hum roti pakanay kay liye

Ab pakati hai humen uss ka pakana yaad hai

Na silaee janti haa na cooking maloom hai

Han ussay shohar ko ungli per nachaana yaad hai

Uss ki her ik baat per kehna hi parta hai ‘bajaa’ 

Iss tarah uss ka humen barson bajana yaad hai

Mantay hen hum husaini hadesaa hoga shadeed

Kiyon keh tum ko waqeaa itna puranaa yaad hai

Umar uss ki ho 85 to koi baat nahin

Umar uss ki ho 85 to koi baat nahin 

Ishq ka rog sha'oori bhi to ho sakta hai 

2 maheeno kay liye dhoond raha hoon uss ko 

Mera mehboob "Aboori " bhi to ho sakta hai 

عمر اسکی ہو پچاسی تو کوئی بات نہیں 

عشق کا روگ شعوری بھی تو ہو سکتا ہے 

دو مہینوں کے لیے ڈھونڈ رہا ہوں اس کو 

میرا محبوب " عبوری " بھی تو ہو سکتا ہ

Woh to bijli hai pal bhar main chali jaye gi

وہ تو بجلی ہے بل بھر میں چلی جائے گی

مسئلہ تو عوام کا ہے وہ کدھر جائے گی

ہم تو سمجھےتھے گھنٹہ بھر میں‌آجائے گی

کیا خبر تھی یار رات یوں ہی گذر جائے گی

وہ جب آئے گی تو اس خوشی کے عالم میں

بیجاں چہروں پر مسکرائٹ نظر آ جائے گی

مجھ کو بجلی کے برزخ کا بنایا کیوں وارث

غلطی میری بھی حکومت کے سر جائے گی

Woh to bijli hai pal bhar main chali jaye gi 

Masla to awaam ka hai woh kidher jaye gi

Hum to samjhay thay ghanta bhar main aa jaye gi

Kya khabar thi yaar raat youn hi guzar jaye gi

Woh jab aaye gi to us khushi kay aalam main

Be'jaan chehron par muskurahat nazar aa jaye gi

Mujh ko bijli kay bar'zakh ka banaya kiyon waris

Ghalti meri bhi hakoomat kay sar jaye gi

Hamaray dour main zinda hai mir ka misra

Hamaray dour main zinda hai mir ka misra

kisi se is ki haqeeqat dhaki chhupi na rahi

nizaam-e-barq liya wapda ne haathon main

phir us kay baad chiraghon main roshni na rahi

Jis shakhs ko uper ki kamai nahi hoti

Jis shakhs ko uper ki kamai nahi hoti 

us shakhs ki society kabhi high nahi hoti 

tab tak too bhari bazqm main lagta hai muaziz 

jab tak keh ghazal uss nay sunai nahi hoti 

police kara leti hai har cheez baramad 

us say bhi jiss nay churai nahi hoti 

dhoka-o-fareb is main hain bas iss kay illawa 

is shehar main koi bhi burai nahi hoti

 

karti hai us roz woh shopping ka taqaza 

jis roz meri jeeb main paii nahi hoti

Bachon ki tarah chahye mujhay daant lay koi

Bachon ki tarah chahye mujhay daant lay koi 

Lakin yeh shart hai meray gham baant lay koi 

Ik umar beet chuki hai tumhein chahtay huye

Ik umar beet chuki hai tumhein chahtay huye 

Tu aaj bhi be'khabar hai kal ki tarah

Us ne kaha keh kon sa tohfa hai mann pasand

Us ne kaha keh kon sa tohfa hai mann pasand 

Main ne kaha woh shaam , jo ab tak udhaar hai 

Jo meray zabt ka sheeraza muntashir kar de

Jo meray zabt ka sheeraza muntashir kar de 

Teray sitam ko abhi woh adaa nahin aati 

Mujh ko dhoka de gaya mera zoq-e-intikhaab

Mujh ko dhoka de gaya mera zoq-e-intikhaab 

Jo log meray na thay , mujhay wohi achay lagay 

Yeh jo raqs hai mera farsh par

Yeh jo raqs hai mera farsh par

Yehi lay urra mujhay Arsh par 

Meri zaat main jo dhamaal hai 

Teray ishq ka yeh kamaal hai 

Aur kuch nahin hota to , bharri baarish main

Aur kuch nahin hota to , bharri baarish main 

Tujh se bichray huye raston pe safar karta hoon

Mujhay mohabbat si ho gayi hai

Mujhay mohabbat si ho gayi hai 

In khamosh raaton se . . . . . . . . .

Teri qurbat bhi nahin hai muyassar

Teri qurbat bhi nahin hai muyassar 

Aur baarishon kay din bhi aa gaye hain 

Ik aisi baarish ho meray shaher pe jo

Ik aisi baarish ho meray shaher pe jo 

Saray dil aur saray dareechay dho jaye 

Phir se teri yaadein meri chokhat pe kharri hain

Phir se teri yaadein meri chokhat pe kharri hain

Wohi sardi wohi baarish wohi dil'kash January hai  

Mujhay woh laakh tarpaye magar us shakhs ki khatir

Mujhay woh laakh tarpaye magar us shakhs ki khatir 

Meray dil kay andheron main dua'ein raqs karti hain