Wirsa
Betiyan bhi to ma'on jaisi hoti hain
Zabt kay zard aanchal main apnay
Saray dard chupa leti hain
Rotay rotay hans parti hain
Hanstay hanstay dil hi dil main ro leti hain
Khushi ki khawaish kartay kartay
Khawab aur khaak main utt jati hain
100 hisson main batt jati hain
Ghar kay darwaze par baithi
Umeedon kay resham buntay ,,,, sari umar ganwaa deti hain
Main jo gaye dino main
Maa ki khush fehmi pe hans deti thi
Ab khud bhi to
Umar ki girti dewaron se taik lagaye
Fasal khushi ki boti hoon
Aur khush fehmi kaat rahi hoon
Janay kaisi rasam se yeh bhi
Maa kiyon beti ko wirsay main
Apna muqaddar de deti hai
No comments:
Post a Comment