Bas apnay saath rehna chahti hoon
Main ab tujh se mukarna chahti hoon
Main apni umar kay saray asaa'say
Naye dhab se ba'ratna chahti hoon
Yeh dil bhi teri khawaish kar raha hai
Magar main dukh se bach'na chahti hoon
Koi harf-e-wafa , na harf-e-sada
Main khamoshi ko sun'nana chahti hoon
Main bach'pan kay kisi lamhay main ruk kar
Koi jugnoo pakarna chahti hoon
No comments:
Post a Comment