Biwi pakistan gayi hai

Biwi pakistan gayi hai

Gher kay kamon se ghabra ker

Apni job se aajiz aa ker

6 hafte ki chutti pa ker

Ker kay gher sunsaan gayi hai

Biwi pakistan gayi hai

Sone ky set banwaye gi

Shaan masale bhi laye gi

Suit bohut se silwaye gi

Silk ke le ke thaan gai hai

Biwi pakistan gayi hai

Aish karon gi amma ke gher

Kaam karain ge noker chaker

Car main le jaye ga shofer

Le ke yeh arman gai hai

Biwi pakistan gayi hai

Pannu main rehte hain aakil chacha

Changa manga main taya hai

Sab se mil ker ana hai

Bana ke sare plan gayi hai

Biwi pakistan gayi hai

Boli rehna achay shoher

Dafter se seedhay ana gher

Jatay jatay haath main de

Biwi pakistan gayi hai

Tarah tarah kay khanay paka ker

Bher dala sara freezer

Take main na khaon bahir

Ker kay poora etminan gayi hai

Biwi pakistan gayi hai

Ik din phone kiya us ke gher

Bole us ke mama asgher

Who to le ke sara tabber

Aaj subah hi multan gayi hai

Biwi pakistan gayi hai

Dhoop or germi se aa ker tang

Mela huwa jab us ka rang

Apni ik saheli ke sang

Wahan se kaghan gai hai

Biwi pakistan gayi hai

Aati hai us ki email bara'ber

Kehti hai mujh ko bhejo doller

Phas mushkil main jaan gayi hai

Hoton ki mare muskan gayi hai

Biwi pakistan gayi hai