Zindagi honay lagi jab say basar yahoo par

Zindagi honay lagi jab say basar yahoo par

Zindagi honay lagi jab say basar yahoo par

Roze karta hoon naya aik safar yahoo par

Shaam tak rehti hai jaari tag-o-dau rozi ki

Aur phir raat say hoti hai sehar yahoo par

Faaslay abb kahan haayal rahay insaanon mein

Kar hi laitay hain mulaaqat magar yahoo par

Ilm ka aik samandar hai pyaason kay liye

Dekh nadaan koi ilzaam na dhar yahoo par

Sirf duniya hi nahin door khalaaon tak kee

Dhoondnay waalon ko milti hai khabar yahoo par

Yeh alag baat keh awaargiyaan bhi hain bohat

Pakray jaanay ka bhee koi naheen darr yahoo par

Aisa lugta hai keh guzray ga burhaapa kuch yoon

Dhiyaan maazee mein kahin gum to nazar yahoo par