Ik teer tha keh laga aur nikal gaya
Maari jo cheekh rail ne jungle dehal gaya
Soya hua tha shaher kisi saamp ki tarah
Main daikhta hi reh gaya aur chaand dhal gaya
Khawaish ki garmiyan thein ajab un kay jismon main
Khooban ki sohbaton main mera khoon jal gaya
Thi shaam zehar rang main doobi hui kharri
Phir ik zara si si dair main manzar badal gaya
Muddat kay baad aaj ussay daikh kar "Munir"
Ik baar dil to dharka magar phir sambhal gaya
No comments:
Post a Comment