Sehan ko chamkaa gayi bailon ko geela kar gayi
Raat ki baarish falak ko neela kar gayi
Dhoop hai aur zard phoolon kay shajar her raah par
Ik zia-e-zehar sab sarkon ko peela kar gayi
Kuch to us kay apnay dil ka dard bhi shaamil hi tha
Kuch nashay ki lehar bhi us ko sureela kar gayi
Baith kar main likh gaya hoon dard-e-dil ka maajra
Khoon ki ik boond kaaghaz ko rangeela kar gayi
No comments:
Post a Comment