Tariq Aziz
Neelaam gher ki jaan to tariq aziz hain
Kuch kuch wo bad-maza hain to kuch kuch laziz hain
Pandra baras jo ho gaye nazim anay huey
Hain misl-e-"kaarmeena" wo hazim banay huey
Qudrat nay unko bakhsha hay jo guftuguu ka dhang
Auron kay rang mein to nahein daltay wo bhang
Shaair bhi hain, adeeb bhi aur compare bhi hain
"neelaam gher" kay shehar kay to wo mayer bhi hain
Wo boltay hain jab kabhi, to toltay bhi hain
Asraar zindagii kay kai kholtay bhii hain
Jitnay prograam thay, record ho gaye
Foker thay pehlay, ab to wo concord ho gaye
"neelaam gher" awam ko be-had pasand hay
Tariq aziz dev hay , jo iss mein band hay
No comments:
Post a Comment