Ussi parchay main khabar hai meri ruswaai ki
Jis main tasveer chhapi hai teri angrrai ki
Kaisay keh dun keh main leader bhi hoon aur lota bhi
Baat to sach hai magar baat hai ruswaai ki
Meray afsaanay sunaati hai mohallay bhar ko
Ik yehi baat hai achhi meri hamsaayi ki
Do adad video filmon main guzar jaati hai
Sirf itnii hai tavaalat shab-e-tanhaai ki
Aisay milta hai chunariya se hair-band ka rang
Jis tarah suit se matching hai meri tie ki
No comments:
Post a Comment