Yahi nahin koi toofan meri talaash main hai
Keh mousam-e-gham-e-jaana meri talaash main hai
Wisaal rutt hai magar dil ko aisa lagta hai
Sitara-e-shab-e-hijraan meri talaash main hai
Main faisalay ki gharri se guzar chuki hoon magar
Kisi ka deeda-e-hairaan meri talaash main hai
Yeh be'yaqeen si asoodgi bata'ti hai
Keh ik qariya-e-veeran meri talaash main hai
Main tairagi main mohabbat ki ik kahani hoon
Koi chragh sa unwaan meri talaash main hai
Yeh kaisa khawaab tha dharka sa lag gaya dil ko
Keh ik shakhs-e-parishaan meri talaash main hai
No comments:
Post a Comment