Woh shakhs jab se meray ishq kay nisaab main hai
Yeh jism-o-rooh musal'sal kisi azaab main hai
Yeh taazgi , yeh sabahat , yeh rang , yeh khushbu
Yeh kis haseen ka chehra hai jo gulaab main hai
Na so rahi hain na jaagi hui hain woh aankhein
Keh jaisay fitna bay'daar koi khawab main hai
Biyaaz-e-jaan main nihaan kab hai jazba-e-ulfat
Keh harf harf ayaan iss khulli kitab main hai
Main apnay aap se jaisay sambhal nahin paata
Ajeeb nasha teray mar'marein shabaab main hai
No comments:
Post a Comment