Meri aankhon ko soojhta hi nahin
Ya muqaddar main raasta hi nahin
Woh bharray shaher main kisi se bhi
Meray baaray main poochta hi nahin
Phir wohi shaam hai wohi hum hain
Haan magar dil main hosla hi nahin
Hum chalay uss ki bazam se uth kar
Aur woh hai keh rookta hi nahin
Dil jo ik dost tha magar woh bhi
Chup ka pathar hai bolta hi nahin
MAin to uss ki talash main gum hoon
Woh kabhi mujh ko dhoondta hi nahin
No comments:
Post a Comment