Tanha udaas chaand ko samjh na be'khabar

Tanha udaas chaand ko samjh na be'khabar 

Her baat sun raha hai magar bolta nahin

Kabhi samoya kabhi daboya kabhi nikaal baahir phainka

Kabhi samoya kabhi daboya kabhi nikaal baahir phainka 

Samandar-e-ishq teri aadatain meray apno jaisi hain

Yeh jo dewanay se do chaar nazar aatay hain

Yeh jo dewanay se do chaar nazar aatay hain 

In main kuch saahib-e-israar bhi nazar aatay hain 

Teri mehfil ka bharam rakhtay hain so jaatay hain 

Warna yeh log to be'daar nazar aatay hain 

Door tak koi sitaara hai na koi jugnoo 

Marg-e-umeed kay asaar nazar aatay hain 

Meray daman main shraaron kay siwa kuch bhi nahin 

Aap phoolon kay kharidaar nazar aatay hain 

Kal jissay choo nahin sakti thi farishton ki nazar 

Aaj woh ronq-e-bazaar nazar aatay hain 

Hashar main kon gawahi meri de ga sagar 

Sab tumhaaray hi taraf'daar nazar aatay hain 

Ek tera pyaar paa loon bas yahi sapna mera tha

Manzil bhi teri thi aur raasta bhi tera tha 

Ek tera pyaar paa loon bas yahi sapna mera tha 

Aik hum akelay reh gaye , aur poora sansaar tera tha 

Saath saath rehnay ki soch bhi teri thi 

Phir akelay chor jaanay ka khyal bhi tera tha 

Haathon main haath lay kar mujhay hansaanay ki kasam bhi teri thi 

Phir meri aankhon main aansoo'on ka sailaab bhi tera tha 

Hum kiyon yahaan tanha reh gaye , Mera dil sawaal karta hai 

Qismat teri thi par kiya khuda bhi tera tha 

Khuda bola us pe aaitabaar karnay ki ghalti teri thi 

Ussay dost bananay ka khyal bhi tera tha 

Ussay chahnay ki ghalti bhi teri thi 

Ussay apnaanay ka khyal bhi tera tha 

Ussay kiyon gham ho teray jaanay ka ?

Kiya us ne kabhi kaha tha woh sirf tera tha

Kabhi meri zindagi tha woh

Ho chuka ab kisi ka woh 

Kabhi meri zindagi tha woh 

Bhoolta hai kon mohabbat pehli 

Meri to saari khushi tha woh 

Phool ki tarah muskuraata tha 

Meray honton ki hansi tha woh 

Baad barson kay ussay dekha tha 

Aaj bhi utna hi haseen tha woh 

Zindagi naam jis kay kar di 

Log kehtay hain ajnabi tha woh

Kar rahay hain woh bhi zubaani mohabbatain

Ab reh gayein kahaan woh puraani mohabbatain 

Kar rahay hain woh bhi zubaani mohabbatain 

Is raah pe chalo to tumhain yaad rahay 

Hoti nahin hain asaan nibhaani mohabbatain 

Her mor her qadam pe tumhain yaad aayon gi 

Asaan nahin hain meri bhulaani mohabbatain 

Dil ka na haal poochiye chehra hi dekhiye

Hum ko bhi aa gaye hain sajani mohabbatain

Us ko bhi dil ka haal bataya na ja saka

Palkon pe aansoo'on ko sajaya na ja saka 

Us ko bhi dil ka haal bataya na ja saka 

Zakhmon se choor choor tha yeh dil mera 

Ik zakham bhi us ko dikhaya na ja saka 

Jab teri yaad ayi to koshish kay ba'wajood 

Aankhon main aansoo'on ko chupaya na ja saka 

Kuch log zindagi main aisay bhi aye hain 

Jin ko kisi bhi lamhay bhulaya na ja saka 

Bas is khayaal se kahin us ko dukh na ho 

Hum se to ehal-e-gham bhi sunaya na ja saka 

Woh muskuraya tha meray ru'ba'ru magar 

Chehray ka rang us se chuppaya na ja saka 

Tanhaiyon ki aag main hum jal gaye 

magar faasla jo darmiyaan tha mitaya na ja saka

Jo raaz na rakh paye humraaz badal daalo

Taskeen na ho jis se woh raaz badal daalo 

Jo raaz na rakh paye humraaz badal daalo 

Tum ne bhi suni ho gi bara aam kahaawat hai 

Anjaam ka jo ho khatra aaghaaz badal daalo 

Pur soz dilon ko muskaan na day paye 

Sur hi na milay jis main woh saaz badal daalo 

Dushman kay iraadon ko hai zaahir agar karna 

Tum khail wohi khailo andaaz badal daalo 

Aye dost karo himmat kuch door sawera hai 

Agar chahtay ho manzil to parwaaz badal daalo

Main pee kay chup raha woh pila kay chup raha

Main pee kay chup raha woh pila kay chup raha 

Kiya gulaab tha jo murjha kay chup raha 

Halaat ne kar diya ussay itna sang'dil 

MAin sun kar ro para woh suna kay chup raha 

Shayed woh torna nahin chahta tha dil mera 

Is liye itna qareeb aa kay chup raha 

Woh door ho gaya main kuch bhi na kar saka 

Aankhon se faqat aansoo baha kay chup raha 

Sab ghazlain be'mahni niklein unwaan-e-wafa ki

Sab kitaabain jhooti niklein dastaan-e-wafa ki 

Sab ghazlain be'mahni niklein unwaan-e-wafa ki 

Kaisa iztaraab machal raha hai kisi khaana-e-dil main 

Yeh kis ka payaam layi hain hawaein ehad-e-wafa ki 

Kahaan se milta hai sira barson ki uljhanon ka 

Shayed keh kuch karishma kar jayein zulfain be'wafa ki 

Chalo zameen ki wusaton main talaash kartay hain 

Koi to basti ho gi jahan mil jayein sooratain ehal-e-wafa ki 

Hum to roz dil kay dasht main gulaab chunna kartay hain 

Hum ne dekh rakhi hain sab kraamatain dard-e-wafa ki