pagal aankhon wali arki
itney mehnge khwaab na dekho
kaanch se nazuk khwaab tumharay
toot gaye to
pach'tao gi
soch ka sara ujla kundan
zabat ki raakh main ghul jaye ga
kachay pakay rishton ki kushboo ka reaisham
khul jaye ga
tum kiya jano
khwaab safar ki dhoop ke sheeshay
khwaab adhoori raat ka dozukh
khwaab khyalon ka pachtawa
khawabon ki manzal ruswaei
khwabon ka hasil tanhaei
tum kiya jano
mehnge khwaab khreedney hon to
aankhain bechna parti hain
rishtay bhoolna partay hain
andeshon ki raakh na phanko
piyaas ki aot saraab na dekho
itnay mehnge khwaab na dekho
thak jayo gi
No comments:
Post a Comment