Apney hathon ki lakeeron main saja le mujh ko
Main hoon tera to naseeb apna bana le mujh ko
Main jo kanta hoon to chal mujh se bacha ke daman
Main hon gar phool to joray main saja le mujh ko
Tark-e-ulfat ki qasam bhi koi hoti hai qasam
Tu kabhi yaad to kar bhoolney walay mujh ko
Mujh se tu poochnay aya hai wafa ke mahni
Yeh teri sada dili maar na dalay mujh ko
Main samandar bhi hoon .moti bhi hoon , gohta zan bhi
Koi bhi naam mera le ke bula le mujh ko
Tu ne dekha nahin ainey se agay kuch bhi
Khud parasti main kahin tu na ganwa le mujh ko
Bada phir bada hai main zehar bhi pee jayon qateel
Shart yeh hai koi banhon main sambhalay mujh ko
Poet : Qateel shafai
No comments:
Post a Comment