Koi dewaar rehnay do
faqat izhaar rehney do
safar main sath chal kar bhi
hamain is paar rehnay do
na aankhon main samayo tum
na hum ko khaak honey do
na tarsain teri qurbat ko
hamain be'baak rehnay do
hamain ashaar main likho
magar na gun'gunao tum
kitabon main khain rakh ke
hamain phir bhool jayo tum
Suno ! tum se yeh kehna hai
safar main dhool honey tak
koi bhi bhool honey tak
mujhay tum maang lena bas
dua maqbool honey tak
No comments:
Post a Comment