Tum ne apni chahaton ka iqraar maanga hai

Tum ne apni chahaton ka iqraar maanga hai 

To suno 

Dil ke sache jazbe

Izhaar ky mohtaaj nahin hotay 

Yeh to woh jazbay hain Jo jugnoo ban kar

Aankhon main damaktay hain 

Honton ke naran goshon main reh kar 

Dil main bastay hain 

Tum mujh main is tarah samaye huwey ho 

Keh jaisay 

Phool main kushboo

Taron main chamak 

Titli main rang 

Mera tumhara rishta atoot hai 

Jism-o-jaan ka hai 

Jo jurra raha to zindagi 

Aur toot jaye to mout

Chalo tum theek kehtay ho

Chalo tum theek kehtay ho 

Mohabbat aur siyasat main 

Sab atwaar jaiz hain 

Chalo hum maan letay hain 

Magar yeh jung kaisi hai 

Tum hi mere muqabal ho 

Chalo hum jeet ki khwaish

tum hi pe waar detay hain 

Dhanak ky pull pe chal ky hum 

Gagan ky paar jatay hain 

Chalo hum haar jatay hain

Chalo ik aur dunia main tumharay sath chalty hain

Chalo ik aur dunia main 

Tumharay sath chalty hain 

Jahan halaat kuch bhi hoon 

Magar hum sath rehtay hon 

Jahan mousam koi bhi ho judai ka na ho lekin

Jahan ka chaand bhi tum ho 

jahan suraj

Hawa

Kushboo

Aur gullon ka rang tum se hi ho 

JAhan par dil dharakney ka her ik ehsaas tum se ho 

Jahan par mere jeenay ki 

Saari aas tum se ho 

Chalo ik duniya main 

Tumharay sath chaltay hain 

Maan liya sach kehti ho mujh se mohabbat karti ho

Maan liya sach kehti ho 

Mujh se mohabbar karti ho 

Mere khawabon ki duniya main rehti ho 

Meri yaad ky aalam 

Door khilaa main 

Aksar takti rehti ho 

Din sochon main kat jata hai 

raat ko neend nahin ati 

Ek ek tara ginti ho 

Yeh bhi sach hai 

Apney hussan ki baarish se

Meri zeest ka sehra 

jal'thal kar do gi 

Jeevan bhar sukh banto gi 

Lekin 

Ae masoom larki 

Main be'bas hoon 

Chahon bhi to 

Sath tumhara de nahin sakta 

Mere dukh ki duniya tanha 

Meray sukh ki baat alag hai

Kis umeed pe Kis barta (bhrosa) par

Mera daman thamo gi 

Mere hath ki tooti phooti 

Tirchi lakeerain ghour se dekho 

In main tumhara naam nahin hai 

Ashiyaane ki baat kartay ho dil jalanay ki baat kartay ho

Ashiyaane ki baat kartay ho 

Dil jalaney ki baat kartay ho 

Saari dunia ky rang-o-gham de kar 

Muskurane ki baat kartay ho 

Hum ko apni khabar nahin yaro 

Tum zamaney ki baat kartay ho 

Zikar mera suna to chir kar kaha

Kis deewane ki baat kartay ho 

Hadsa tha guzar gaya ho ga 

Kis ke jaane ki baat kartay ho 

Saath lamhon ka yaad barson ki

Saath lamhon ka yaad barson ki 

Achay logon ki yahi baat burri lagti hai 

Main khawab ban kay usay neend main dekhai doon

Main khawab ban kay usay neend main dekhai doon 

Woh jo mera qurab chahey to main ussay judai doon 

Kuch is tarah se mujhay chahye keh har gharri 

Main dharkano ki tarah ussay qalb main sunnai doon 

Tarap tarap kar mujhe maangta rahe lakin 

Siwaye apne main ussay sari khudai doon 

Kitaab khol ky dekhon to mera chahera hi 

Main warq warq main us ko dikhai doon

Raat kat'ti rahi chaand dhalta raha

Raat kat'ti rahi  chaand dhalta raha 

Aatish-e-hijar main koi jalta raha 

Ghar ki tanhaiyaan dil ko dasti rahein

Koi be'chain karwat badalta raha 

Aas-o-umeed ki shamma roshan rahi 

Ghar ki dehleez koi takta raha 

Askh palkon pe aa ky ruktay rahay 

Naam lab pe kisi ka larazta raha 

Aaj phir raat basar ho gayi 

Aaj phir koi khuda se ulajta raha

Ek khwaab ajab sa dekha tha

Ek khwaab ajab sa dekha tha 

Hum us din se be'zaar piya 

Ab neend bhi hum se rooth gayi 

Phir kaisay ho dildaar piya 

Ab keh dalo to behtar hai 

Jo karna hai iqraar piya 

Dil gham se hi phatt jaye ga 

Kar dena na inkaar piya 

Un ashkon ko un aankhon ki 

Na roke sake dewaar piya

Agar raastay seedhay saadhay hain 

To chalna kiyon dushwaar piya 

Haan jisam to apna lut gaya 

Par bhatky rooh us paar piya

Woh kam sukhan , woh kaj ada , woh be'wafa acha laga

Woh kam sukhan , woh kaj ada , woh be'wafa acha laga 

JAb bhi mila rootha hua jab bhi mila acha laga 

Woh zulam pe mayel bhout , woh jabar ky qayal bhout 

Us ka sitam , Her ik sitam mujh ko sada acha laga 

Tum pyaar ky qabal nahin , tum pyaar ky laaiq nahin 

Us ne kaha , hum ne kaha , hum ne suna acha laga

Ishaq ky baab main kuch youn hai tumhara mera

Ishaq ky baab main kuch youn hai tumhara mera

Faiday saray tumharay hain khasara mera 

Sukh jazeeron pe utarty huwey us ne yeh kaha 

Gham ky darmiyaan ky saahil ka kinara mera 

Gar piayada bhi koi jeet ky nikla to tera 

Aur baazi main koi shah bhi haara mera 

Dil bharosa jo bhout karney laga hai us par 

Mujh ko ik roz daboye ga ,sahara mera 

Jeetney wale sabhi tere taraf daar huwey 

Aur is khel main jo bhi koi haara , mera

Teri haseen aankh ky jaal main aa jaon ga main

Teri haseen aankh ky jaal main aa jaon ga main 

Mujh ko lagta hai teri chaal main aa jaon ga main 

Zindagi baad tere hona thi mushkil lakin 

Yeh na socha tha keh is haal main aa jaon ga main 

Dekh kar us ko mujhe yaad kare gi duniya 

Aik din us ky khad-o-khaal main aa jaon ga main 

Kitne masoom thay jo de kar mujhe tahnay guzray 

Tum ko kehtay thay keh ik saal main aa jaon ga main 

Sur main aa jaye ga jeewan tere jane se

Tere anay se kisi taal main aa jaon ga main

Ek masoom taqadus main bhigoya hua lams

Ek masoom taqadus main bhigoya hua lams

Kitna pakeeza hai ehsaas main dhoya hua lams

Yeh tere jisam ki kushboo ka sunehra ehsaas

Jis tarah chaand ky haale main paroya hua lams

Us ky honton ko main choo loon to gumaan hota hai 

Jaisay kainaat ky guloon main daboya hua lams

Jo meri rooh main utray hi chale jatay ho 

Ik naye rang main ubhray ga yeh boya hua lams

Bheegi kushboo main basa , wasal main bheega bheega 

Kitna masoom hai pehloo main yeh soya hua lams

Tishnagi aan basi hai mere pooron main imran 

Dhoondta phirta hoon muddaton se main khoya hua lams

Mehfil main teri sitaron ki roshni bhout hai

Mehfil main teri sitaron ki roshni bhout hai 

Is liye alwida teri mehfil ko kar hum chale

Jane dil ky kisi kone main andhera bhout hai 

Dil ko roshan khuda ki ibaadat se karne hum chale

Khuda ko pane ki chah is dil main bhout hai 

Do hathon se dua mangney hum chale

Teri aankhon ain basey motiyon ki chamak bhout hai 

Khuda se apne motiyon ka hisaab mangney hum chale

Pathar na kehna jis dil main armaan bhout hain 

Pathron se ik jharney ka rukh morney hum chale

Phool na kehna jis phool main kaante bhout hain 

Phoolon ko kaanton se sajaney hin chale

Chaand ky noor main chandani bhout hai 

Hum ik taaray main apni yaad basa kar chale

Karvaan zindagi ka youn hi barhta jaye ga 

Hum asmaan tere hathon main somp kar chale

 

Yeh zara zara si baat pe tarah tarah ke azaab kiyon

Yeh zara zara si baat pe tarah tarah ke azaab kiyon 

Jo kisi se bhi khafa na ho mujhay us khuda ki talaash hai 

Mujhay larzashon pe her gharri koi tokta hai baar baar

Jissay kar ky dil ko dukh na ho mujhay us gunnah ki talaash hai 

Bina hamsafar ky kab talab koi musafton main laga rahe

Jahan koi kisi se juda na ho mujhay us raah ki talaash hai 

Mujhay dekh kar jo ik nazar mere saray dard samjh sake 

Jo is qadar ho chara gar mujhay us nigha ki talaash hai 

Karta ussay be'qaraar kuch dair

Karta ussay be'qaraar kuch dair

Hota agar ikhtiyaar kuch dair

Kiya roein fraib-e-asmaan ko 

Apna nahin aitabaar kuch dair

Aankhon main katti pahaar si raat 

Soo ja dil-e-be'qaraar  kuch dair

Ae shaher-e-tarb ko jane walon 

Karna mera intizaar kuch dair

Takleef-e-gham-e-firaaq daa'im 

Taqreeb-e-wisaal-e-yaar kuch dair

Yeh guncha-o-gul hain sab musafir

Hai kaafila-e-bahaar kuch dair

Duniya to sada rahae gi imran 

Hum log hain yaad'gaar kuch dair

 

Unhain nafrat thi hum se to izhaar kiyon kiya

Unhain nafrat thi hum se to izhaar kiyon kiya 

Dena tha zehar to pyaar kiyon kiya

De kar zehar bolay peena ho ga 

JAb pee gaye to bole tumhain meri qasam jeena ho ga

Na hai hum ko gham se pyaar

Na hai hum ko gham se pyaar  

Na hai ab kisi pe aitabaar 

Chalo chalein ab is jahan se 

Na raha ab kisi ka intizaar

Tarapta hai dil tere pyaar ko

Tarapta hai dil tere pyaar ko

Machalta hai dil main milne  se yaar ko

Tum kahan ho hamain bata do sanam

Dhoond lain gy tumhain tumhari qasam

Museebat main tum hamain chor chale

Museebat main tum hamain chor chale 

Jo thi yum par umeed woh tor chale

Kaisay karain ab tum pe yaqeen 

YAkeen karna ab hum chor chale

Rehta hai tum se shikwa her baar

Rehta hai tum se shikwa her baar

Kiyon kartay nahin tum mohabbat ka iqraar 

Hum to hain sirf tere liye 

Ab nahin hota hum se intizaar 

Jis ne bulaya hum ko

Jis ne bulaya hum ko 

us ki yaad kiyon sataye 

Kiyon bhula na sake us ko 

kiya us ki koi dua hai

Un ko chahna meri kamzori thi

Un ko chahna meri kamzori thi 

Unhain keh na pana meri majboori thi 

Woh khud kiyon nahin samjhta  mere dil ky armaano ko 

Kiya piyaar ka izhaar karna zaroori hai 

Mujhe ab kuch sujhai nahin deta

Mujhe ab kuch sujhai nahin deta 

Woh apney tak risaai nahin deta 

Main takti rehto hoon paaglon ki tarah 

Woh zaalim kiyon dekhei nahin deta

Haseen khwaab dekha ky bhool jate hain

Haseen khwaab dekha ky bhool jate hain 

Log apna bana ky bhool jate hain 

Judai ka naam sun kar roney wale

Kuch door ja ky bhool jate hain

sasakte dil ko samjhon kaisay

sasakte  dil ko samjhon kaisay 

Sulagte dil ko bhujhaon kaisay

Kaisay rokon meri nazron ko 

Jo her dam tera raah dekhti hain

Woh judai bhi kitni ajeeb thi

Woh judai bhi kitni ajeeb thi 

Tujhay alwida bhi na keh sake

Tere dil main rehnay ka khyal tha 

tere shaher main bhi na reh sake

Ansoo aa jatay hain aankhon main

Ansoo aa jatay hain aankhon main 

Per labon pe hansi lani parti hai

Yeh mohabbat bhi kiya cheez hai 

Jis se kartay ho usi se chupani parti hai

Toot jate hain , bikhar jate hain

Toot jate hain , bikhar jate hain 

Kaanch ky ghar main muqaddar apna 

Ajnabi to sada pyaar se milte hain 

Bhool jate hain to aksar apney

Her ik jazbaat ko zubaan nahin milti

Her ik jazbaat ko zubaan nahin milti 

Her ik aarzoo ko dua nahin milti 

Muskurahat banaye rakho to duniya hai sath 

Ansoo ko to aankh main bhi pannah nahin milti

KAb talak tujh pe inhisaar karain

KAb talak tujh pe inhisaar karain 

Kiyon na ab doosron se pyaar karain 

Tu kabhi waqat par nahin poncha 

Kis tarah tera aitbaar karain

Kis ne kaha tujh se anjaan ban kar aya kar

Kis ne kaha tujh se anjaan ban kar aya kar 

Mere dil ky aainay main mehmaan ban kar aya kar 

Ek tu hi to hai jissy bakhshi hai dil ki hakumat 

Yeh teri saltanat hai sultan ban kar aya kar 

Is se pehlay keh be'wafa ho jayein

Is se pehlay keh be'wafa ho jayein 

Kiyon na ae dost hum juda ho jayein 

Tum bhi heeray se ban gaye pathar 

Hum bhi kal kiya se kiya ho jayein 

Hum bhi majboorion ka uzr karain 

Aur kahain aur mubtala ho jayein 

Ishq bhi khail hai naseebon ka 

Khaak ho jayein kimiyaan ho jayein 

Ab ky gar tu mile to hum tujh se

Aisay liptain teri qaba ho jayein 

Bandagi hum ne chor di hai imran 

Kiya karain log jab khuda ho jayein

Apne ehsaas ki shamma ko jalaye huwey rakhna

Apne ehsaas ki shamma ko jalaye huwey rakhna 

Ik dard sa seenay main jagaye huwey rakhna 

Aas paas bakhairna apni yaadon ky sab moti 

Maazi ky sab kirdaron ko bhulaye huwey rakhna 

Alfaaz ko soghatein jiti bhi milein kam hain 

Kari se kari mil kar zanjeer banaye rakhna 

TAnha na kabhi rehna ehbaab ki mehfil main 

Yaadon ky kisi hajoom ko bakhairaye huwey rakhna 

Ghafil na kabhi hona dil ky badalne se 

Sar apni ana ka her waqat uthaye huwey rakhna 

Tanhai ky aalam main milna tum kabhi khud se 

Par ehsaas ky shaher se khud ko bachaye huwey rakhna

Dil ki baat labon par laa kar ab tak hum dukh sehtay hain

Dil ki baat labon par laa kar ab tak hum dukh sehtay hain

Hum ne suna tha is basti main dil wale bhi rehtay hain 

Beet gaya sawan ka maheena mousam ne nazrain badlien 

Lakin inpiyaasi aankhon main ab tak ansoo behtay hain 

Ek hamain awara kehna koi bara ilzaam nahin 

duniya wale dil walon ko aur bhout kuch kehtay hain 

Jin ki khatar shaher bhi chora jin ky liye bad'naam huwey 

Aj wohi hum se begane begane se rehte hain 

Aaj jo abhi us raah guzar se chaak giribaan guzra tha 

Is awara dewane ko pagal kehtay hain

Mohabbat main her ik lamha wisaal karna hai

Mohabbat main her ik lamha wisaal karna hai 

Ab pyaar tujhy her din maah-o-saal karna hai 

Aagay bhi barhna hai aut tum ko bhi paana hai 

Khuda se bas ik yahi sawaal karna hai 

Kami ho gi na aghaaz ta anjaam-e-mohabbat 

Dekho hum ne ab yeh kamaal karna hai 

Dar na jana kahin zamano ki gardish ko dekh kar 

Sirf raat aur sawere ka khyaal rakhna hai 

Jitni bhi ayein nafratein raastay main tumhare 

Be'khouf-o-khatar sab ko pai'maal karna hai 

Anjaam is tarah se ho keh rutt hi badal jaye 

Bilaal izaton ka bhi ane nagar khyal karna hai

Woh jis ka naam bhi liya pahailyon ki oot main

Woh jis ka naam bhi liya pahailyon ki oot main 

Nazar phairi to chup gayi sahaliyon ki oot main 

Woh tere ishtiaaq ki hazaar heela sazaein 

Woh mere iztraab yaar baaliyon ki oot main 

Chalo keh hum bhi bujhay bujhay ghar ka marsia kahain 

Woh chaand to utar gaya haweliyon ki oot main

Mere baghair bhi tum jeena hansi khushi se

Mere baghair bhi tum jeena hansi khushi se 

Parta hai farq kiya hai ek shakhs ki kami se

Barbaadiyon main apni bas dosh hai hamara 

Tohmat nahin kisi par , shikwa nahin kisi se 

Ahi saans ab to bhaari , jeena bhi ik khawaari 

YA rab mujhe utha le , hoon tang zindagi se

Ye aainay main jaan hai kiyon ab dekhta 

Kiyon guftagoo karti hoon main ik ajnabi se

Deewangi ki mujh par tohmat hai jo ghalat hai 

Ruswa hui hoon main to apni junoo'gari se

Shagufta baat meri Palu main baand lena 

Umeed mat lagana ab tum kisi se 

Ek hi dharti pe kartay hain dono rehan basera bhi

Ek hi dharti pe kartay hain dono rehan basera bhi 

Neel gagan ky saye tale ghar tera bhi ghar mera bhi 

Rang-o-nasal ka jhagra kaisa , kumba ik qabeela ik 

Tere khoon ka laal hai rang . waisa hi rang mera bhi 

Tera mera mazhab kaisa , Pyaar hi sab ka mazhab hai 

Ek khuda hai tera bhi aur tera khuda hai mera bhi 

Kon kis ka dost hua , jab hath main sab ky khanjar ho 

Band pitaare main rakhta hai apna saamp sapera bhi 

Dair hui jab barq giri thi , ab tak wehshat taari hai 

Thak kar suraj doob le ga to chp'paye ga andhera bhi

MAin tumhain dil main basa loon agar bura na lage

MAin tumhain dil main basa loon agar bura na lage

Main tumhain apna bana loon agar bura na lage

Tum hi ho chahat meri tum hi ho manzil meri 

Tumhain dharkan main chupa loon agar bura na lage

Shab-e-tanhai main tera intizaar karta hoon 

Teri neendon ko chura loon agar bura na lage

Tum hi khwaab ho tum hi khushi ho meri 

Tum hi se tum ko chura loon agar bura na lage

Be'bas bhout hai keh beemaar bhout hai

Be'bas bhout hai keh beemaar bhout hai 

Ab aa ke milo hum se dil ko yeh israar bhout hai 

Ek shakhs jo her aan khafa rehta hai mujh se

Dil us ki mohabbat main giriftaar bhout hai 

Mana hamain jeene ka qareena nahin ata

Aye zeest magar tujh se pyaar bhout hai 

Kuch hum bhi bhulane ka taqaza nahin kartay 

Kuch un ki tabiyat main bhi inkaar bhout hai 

Is zaat ky sehra ki karri dhoop main hum ko 

Saathi na sahi saya-e-dewaar bhout hai 

 

Barson guzar gaye so kar nahin dekha

Barson guzar gaye so kar nahin dekha

Aankhon main neend thi so kar nahin dekha 

Woh kiya janein dard mohabbat ka 

Jis ne kisi ka ho kar nahin dekha

Aap ko dekh kar yeh nigha jhuk gayi

Aap ko dekh kar yeh nigha jhuk gayi 

Khamoshi ab her baat kehhaye gi 

Parh lo in aankhon main apni mohabbat 

Aap ki qasam sari raaton ki neend urr jaye gi

Kon rota hai yahan raat ky sanaton main

Kon rota hai yahan raat ky sanaton main 

Mere jaisa hi koi hijar ka maara ho ga 

Kaam mushkil hai magar jeet hi loon ga us ko 

Mere mola ka wasi joun hi ishara ho ga

Aaj bhi us ki aankhon main raaz wohi tha

Aaj bhi us ki aankhon main raaz wohi tha 

Chahera wohi tha chaheray ka libaas wohi tha 

Kaisay us ko be'wafa keh doon yaroo

Aaj bhi us ky dekhney ka andaaz wohi tha

Youn mere dil main us ki mohabbat tehar gayi

Youn mere dil main us ki mohabbat tehar gayi 

Muflis ky ghar main jaisay zaroorat tehar gayi 

Dharkan ki jaan leva aziyat ki zad main tha 

Dil tham gaya to jaisay qayamat tehar gayi

Jo dil ko bhalay lagtay hain woh juda ho jate hain

Jo dil ko bhalay lagtay hain woh juda ho jate hain 

Jin se ziada pyaar karain woh khuda ho jate hain 

Main her dost ko chahta hoon zindagi ki tarah 

Shayed woh sab isi liye be'wafa ho jate hain

Izhaar-e-mohabbat ka haq hum ko to nahin tha

Izhaar-e-mohabbat ka haq hum ko to nahin tha 

Aap kiyon khamosh thay kuch to kaha hota 

Nahin tha khud pe bharosa meri chahat main kami thi 

Zubaan se tha nahin mumkin to aankhon se kaha hota

Guzar gaye hain bhout din rafaqat-e-shab main

Guzar gaye hain bhout din rafaqat-e-shab main 

Ik umar ho gayi chahera woh chaand sa dekhe

Tere siwa bhi kai rang kush nazar thay magar 

Jo tujh ko dekh chuka ho woh aur kiya dekhe

Woh jo geet tum ne suna nahin

Woh jo geet tum ne suna nahin 

Meri umar bhar ka riaz tha 

Meray dard ki thi dastaan 

Jissay tum hansi main urra gaye

Ik waqat ky khone ka ehsaas hua hai

Ik waqat ky khone ka ehsaas hua hai 

Yeh lamha na kabhi sach main paas hua hai 

Kiyon milti mujhay waqti rihaai bhi "ranj"

Jazbaat ka qaidi bhi kabhi khaas hua hai

Mat kaho mujhe izhaar-e-mohabbat zubaan se biyaan karney ko

Mat kaho mujhe izhaar-e-mohabbat zubaan se biyaan karney ko 

Suna hai zamaney se keh hoty hain kaan dewaaron ky bhi 

Hone do yeh qissa biyaan aankhon se sehar 

Keh yeh kar deti hain her baat khamoshi main bhi

Woh kushi tha umeed tha ik ehsaas tha

Woh kushi tha umeed tha ik ehsaas tha 

Baad main yeh gumaan hua , bas pal do pal ka sath tha 

Rehta hai aaj bhi intizaar is aankh ko kisi apney ka 

Woh ja kar aaj bhi sath hai jo kabhi hamaray paas tha

Be-zubaano ko jab woh zubaan deta hai

Be-zubaano ko jab woh zubaan deta hai 

Parhne ko phir woh quraan deta hai 

Bakhney pe ata hai jab ummat ky gunnahon ko 

Tohfay main gunah'gaaron ko ramzan deta hai

Akela waris hoon main us ki tamaam nafraton ka Mohsin

Akela waris hoon main us ki tamaam nafraton ka Mohsin

Woh jo shakhs saray shaher main pyar baant'ta phirta hai

Apney kho janey ka is raah main imkaan na tha

Apney kho janey ka is raah main imkaan na tha 

Tha magar itn abhi us ka mujhe armaan na tha 

Kuch tasna bhi tha warna meray gham par woh shakhs 

Jitna ata tha itna parishaan na tha

Jab khizzan aye to loat aye ga woh bhi mohsin

Jab khizzan aye to loat aye ga woh bhi mohsin 

Woh baharon main zara kam hi mila karta hai 

Tez baarish main kabhi sard hawaon main raha

Tez baarish main kabhi sard hawaon main raha 

Ik tera zikar tha jo meri sadaon main raha 

Kitney logon se mere gehray mrasam hain magar

Tera chahra hi faqat meri duaon main raha

Na sawaal ban kar mila karo , na jawaab ban kar mila karo

Na sawaal ban kar mila karo , na jawaab ban kar mila karo 

Meri zindagi mera khwaab hai mujhe khwaab ban kar mila karo 

Her aik shaam ko mere doston na azaab ban kar mila karo 

Mujhe meh'kaday main milo agar to sharaab ban kar mila karo 

Mujhe achay log bhout mile main to un ky qarz se mar gaya 

Gar ho sake to kabhi kabhi to khraab ban kar mila karo 

Abhi sochna hai to soch lo hamain chorna hai to chor do 

Naye mousam main milo mujhe to gulaab ban kar mila karo 

Na to is tarah se mila karo na to us tarah se mila karo 

Haan hazoor ban ky mila karo haan janaab ban kar mila karo

Khamoshi khud apni sada ho aisa ho bhi sakta hai

Khamoshi khud apni sada ho aisa ho bhi sakta hai

Sanata hi goonj raha ho aisa ho bhi sakta hai 

Mera maazi mujh se bichar ky jane kis haal main hai 

Meri tarah woh bhi tanha ho aisa ho bhi sakta hai 

Sehra sehra kab tak main dhoondon ulfat ka ik alam 

Alam alam ik sehra ho aisa ho bhi sakta hai 

Ehl-e-toofaan socha raha hai sahil doob jata hai 

Khud un ka dil doob raha ho aisa ho bhi sakta hai 

Kathan hai raah'gur thori door sath chalo

Kathan hai raah'gur thori door sath chalo

Bhout bara hai safar thori door sath chalo

Tamaam umar kahan koi sath deta hai 

Main jaanta hoon magar thori door sath chalo

Nashe main choor hon main bhi tumhain bhi hosh nahin 

Mara maza ho agar thori door sath chalo

Yeh aik shab ki mulaqaat bhi ghaneemat hai 

Kissay hai kal ki khabar thori door sath chalo

Abhi to jaag raha hai chraagh raahon ky 

Abhi hai door shaher thori door sath chalo

Taveel-e-manzil-e-jana hamain bhi karna hai 

Imran tum bhi agar thori door sath chalo

Sochta hoon ussay neend bhi ati ho gi

Sochta hoon ussay neend bhi ati ho gi

Ya meri tarah faqat ashk bahati  ho gi

Woh meri shakal mera naam bhulane wali

Meri tasveer se kiya aankhain milaati ho gi

Is zameen pe bhi haisailaab meri aankhon se

Mere maatam ki sada arash hilati ho gi

Shaam hote hi woh chokhat pe jala ky sham'ein

Apni palkon pe kai khwaab sajati ho gi

Us ne silwa bhi liye hon ge siyaah rang libaas

Ab moharram ki tarah eid manati ho gi

Jab bhi zulfon main koi phool sajati ho gi

Mere tareek zamano se nikalne wali

Roshti tujh ko meri yaad dilati ho gi

Dil ki masoom ragein khud hi sulgaati ho gi

Joun hi tera tasawar ka kon awoh jalati ho gi 

Roop de kar mujhay us main kisi sehzade ka 

Apne bachon ko kahani sunati ho gi

Ab jo bichra to ab duniya main kiya rakha hai

Ab jo bichra to ab duniya main kiya rakha hai 

Sari duniya ko tere gham main bhula rakha hai 

MAin teray shaher ky logon se karon kiyon shikwa

Tere apno ne hi mujh se tera shaher chura rakha hai 

Hum tujhe dhoondtay phirtay hain faqeer ban kar 

Khud ko na jane kahan tu ne chupa rakha hai 

Woh bulayein to kiya tamasha ho

Woh bulayein to kiya tamasha ho 

Hum na jayein to kiya tamasha ho 

Yeh kinaron se khailney wale 

Doob jayein to kiya tamasha ho 

Banda parwar jo hum pe guzri hai 

Hum bataein to kiya tamasha ho 

Aaj hum bhi teri wafaon par

Muskurain to kiya tamasha ho 

Teri surat ji itifaaq se 

bhool jayein  to kiya tamasha ho 

Waqat ki chan sa'atein sagar 

Loat ayein to kiya tamasha jo

EK Jurm Huwa Hay Hm Se

EK Jurm Huwa Hay Hm Se

Kisi rishte Se Wfa Kr Baithe 

Kuch Apna Sa samj Kr usko

Sub Raz Bta Baithe 

Phir Usi rishte Ki Rah Me

Dil-0-Jan Ganva Baithe 

Is Jurm Ki Aesi Sza Mili K

Hm Un Se Juda Baithe 

W0 Yad Boht Ate

J0 hm ko Dil Sy Bhula Baithy

Wo tum na they ik khayal tha

Wo tum na they ik khayal tha

Meri soch ka hi kamal tha

Wo mohabbatain wo chahatain

Meri uljhanoon ka hi jaal tha

Meray dil mein thin jo ronaqain

Wo tera hi husan-o-jamal tha

Jawab jis ka mila nai

Wo aiysa hi ek sawal tha

Wo aaj mile to yun laga

Wohi to hai jis ka intazar tha

Usay yaad kaisay na karon

Usay bholna bhi muhal tha

Ab us ki kiya misal doon

Wo to aap apni misal tha..

Mana keh tere dil mein koi aur makeen hai

Mana keh tere dil mein koi aur makeen hai 

Tu bhi to mera ghum hai aqeeda hai yakeen hai 

Main jabr ke sajdon mein kaheen toot na jaun 

Pathar ke khudao meri sheeshe ki jabeen hai 

Aayne tujhe teri khabar de na saken ge 

Aa dekh meri aankh mein tu kitna haseen hai 

Deewar mein chunwa ke mujhe jurm-e-wafa par

Aye mere shahenshah tu pareshan to nahi hai

Palkon se tarasha tha kbi humne jo heera 

Mat puchh ab wo kiski angoothi ka nageen hai