Meri sada nighai ko bhi ik israar likha tha
Nigahon main mohabbat thi magar inkaar likha tha
Taaluq jo faqat jazbaat kay parday main pinhaan tha
Usi khamosh rishtay ko sar-e-bazar likha tha
Aqeedat se jhuki gardan kay mehni is tarah niklay
Ibadat ko hamaray jurm ka iqraar likha tha
Adaa-e-be'niazi se nishan us kay mitta dalay
Jahan hum ne usi ka naam laakhon baar likha tha
Chupa kay apnay aansoo muskuraya tha jo mehfil main
Sitam'gar ne ussay bhi sharf ka pindaar likha tha
No comments:
Post a Comment