Chaand chehron kay farozan thay keh namo kay gulaab
Shaakh-e-mazgaan pe mehaktay rahay yaadon kay gulaab
Teri zaibai salamat rahay ae qamat-e-dost
Ziab-e-poshak rahain gay meray zakhmon kay gulaab
Jee uthi khaak nami paa kay meray ashkon ki
Khil rahay thay meri gill main naye khwabon kay gulaab
Us ne chooma meri aankhon ko sehar dam aur phir
Rakh gaya meray sirhanay meray khwabon kay gulaab
Kon choo kar unhain guzra keh khilay jatay hain
Itnay sar'shaar to pehlay na thay honton kay gulaab
Do'pehar shaam hui , shaam shab-e-taar hui
Aur khiltay rahay , khiltay rahay baaton kay gulaab
Sarhad-e-noor pe is tarah se khushboo ponchi
Chaand phoolon kay huye aur banay taaron kay gulaab
Parveen Shakir
No comments:
Post a Comment