Sakoon mohaal hai ajmad wafa kay raastay main
Kabhi chragh jalay hain hawa kay raastay main
Na'janay ab kay baras khaitiyon pe kiya guzray
Kai pahaar kharay hain hawa kay raastay main
Qadam qadam pe qadam larkharaye jaatay hain
Buuton kay dhair lagay hain khuda kay raastay main
Dair-e-ehal mohabbat main kis ne di awaaz
Hazaar saaz bajtay hain sada kay raastay main
Siwaye dard-e-mohabbat ' ba'juz ghubaar-e-safar
Koi rafeeq na paya wafa kay raastay main
No comments:
Post a Comment