Mere khuda mujhay itna to moh'tabar kar dy
MAin jis makaan main rehta hoon , us ko ghar kar dy
Yeh roshni kay taaqub main bhaagta hua din
Jo thak gaya hai to ab is ko muktasir kar dy
Main zindagi ki dua maangnay laga hoon bhout
Jo ho sakay to duaon ko be'asar kar dy
Sitaara-e-sehri doobnay ko aya hai
Zara koi mere suraj ko ba'khabar kar dy
Meri zameen mera aakhri hawala hai
So main rahoon na rahoon , is ko barawar kar dy
Main apnay khwaab se hat kar jeeon to mere khuda
Ujjaar dy meri matti ko dar-ba-dar kar dy
No comments:
Post a Comment