Mujhay lagta hai jaisay

Aaj main ik nazam likhon ga 

Mujhay lagta hai jaisay 

Aaj main ik nazam likhon ga 

Kisi ki yaad lay ayi thi 

Phoolon ki nu'maaish main 

Meray qadmon ki aahat suntay hi 

Sehan-e-gulistaan main 

Labon kay zikar , aariz ki kahaani ka 

Ik aisa silsala chairra tha phoolon ne 

Keh jis ko nazam karnay se

Fiza-e-waqat qaasir thi 

Chali yhi baat in aankhon ki chakh aisay tanazar main 

Keh khushboo ne tehar kar 

Chashm-e-nargis kay liye bosay 

Sraapa-e-gosh bar'awaaz thein Kaliyaan ba her jaanib 

Tabasum rez ghunchay aalam-e-hairat main ghaltaan thay 

Gulon ko is tarah 

Angraaiyaan letay huye dekha 

To mousam ki ragon main 

Bijliyaan jaisay utar ayein 

Kisi na'deeda hiddat ne diya meh'maiz aanchal ko 

Nikharti shaam ne chaira , yaka yak zikar gaisoo ka 

Ba her jaanib shabistaan main 

Kisi ki baat chal nikli 

Myussar thi fiza ko rang-o-khushboo ki farwaani 

Magar woh qamat-e-zaiba 

NA ban paya kisi se bhi 

Mujhay is khaal-o-khatt ko 

Aaj shayed nazam karna hai 

Mujhay lagta hai jaisay 

Aaj main ik nazam likhon ga