Her gali apna fasana bhi tha
Us ne chora keh bahana bhi tha
Dair kuch hum ne bhi ki bachnay main
Aur kuch us ka nishaana bhi tha
Kuch meri umar bhi aisi hi thi
Kuch woh mousam keh sohaana bhi tha
Main akela to nahin tha kuch bhi
Saath apnay yeh zamaana bhi tha
Apnay zimay thi hifaazat us ki
Aur phir khud ko bachaana bhi tha
Saad ik aag thi in jazbon main
Jis ne is dil ko jalaana bhi tha
No comments:
Post a Comment