Aaj bhi shaam udaas rahi

Aaj bhi shaam udaas rahi 

Aaj bhi tapti dhoop ka sehraa !

Teray narm labon ki shabnam 

Saaye se mehroom raha 

Aaj bhi pathar hijar ka lamha 

Sadiyon se be'khwaab ruton ki 

Aankhon ka mafhoom raha 

Aaj bhi apnay wasal ka taara 

Raakh uraati shokh shafaq ki 

Manzil se madoom raha 

Aaj bhi shaher main pagal dil ko 

Teri deed ki aas rahi 

Muddat se gum sum tanhai 

Aaj bhi meray paas rahi 

Aaj bhi shaam udaas rahi

Shaheen kabhi parwaaz se thak kar nahin girta

Shaheen kabhi parwaaz se thak kar nahin girta 

Pur dam hai agar tu, to nahin khatra-e-Aftaad

Roz gunnah karta hoon , woh chupaata hai apni rehmat se

Roz gunnah karta hoon , woh chupaata hai apni rehmat se 

Main majboor apni aadat se , woh mashoor apni rehmat se

Tujh se mohabbat teri auqaat se ziyada ki thi

Tujh se mohabbat teri auqaat se ziyada ki thi 

Ab baat nafrat ki hai soch tera kiya ho ga

Suno laa gaye hain rang rukh-e-mahtaab kay

Suno laa gaye hain rang rukh-e-mahtaab kay 

Mur'jhaa gaye kalaai main gajraay gulaab kay 

Ab kay bars bhi tu jo na aaya to dekhna 

Mujh ko to maar daalein gay tahnay chinaab kay

Chaak daman ko dekha to mila Eid ka chaand

Chaak daman ko dekha to mila Eid ka chaand 

Apni tasveer kahan bhool gaya Eid ka chaand

Un kay Aabro-e-khameeda ki tarah teekha hai 

Apni aankhon main bari dair chubha Eid ka chaand 

Door veeran basairay main diya ho jaisay 

Gham ki dewaar se dekha to laga Eid ka chaand 

LAy kay halaat kay sehraaon main aa jaata hai 

Aaj bhi khald ki rangeen fiza Eid ka chaand 

Talkhiyan barh gayein jab zeest kay paimanay main 

Ghoal kay dard kay maaron ne piya Eid ka chaand 

Chasham to wusat-e-aflaak main khoyi Sagar 

Dil ne ik aur jaga dhoond liya Eid ka chaand

Raah-e-mohabbat main hai kon kisi ka rafeeq

Raah-e-mohabbat main hai kon kisi ka rafeeq 

Saath meray reh gayi aik meri aarzoo

Jal gaya shaher-e-Aarzoo pal main

Jal gaya shaher-e-Aarzoo pal main 

Woh kaisa be'rukhi ka shola tha

Musal'sal gham uthanay se yeh behtar hai agar maano

Musal'sal gham uthanay se yeh behtar hai agar maano 

Kinara karnay walon se kinara kar liya jaye

Tu rukay ya na rukay faisala tujh pe choora

Tu rukay ya na rukay faisala tujh pe choora 

Dil ne dar khol diye hain teri asaani ko

Chahat bharay woh lafz aur her lafz main dua

Chahat bharay woh lafz aur her lafz main dua 

Maqrooz kar diya hamein teray khaloos ne

Asaani se koi mil jaye to woh qismat ka saath hai

Asaani se koi mil jaye to woh qismat ka saath hai 

Sooli par char kar bhi jo na milay ussay mohabbat kehtay hain

Haan! mohabbat tamaam us pe hui

Haan! mohabbat tamaam us pe hui 

Ab jo ho gi woh dil'lagi ho gi

Main teray milnay ko mojaza keh raha tha lakin

Main teray milnay ko mojaza keh raha tha lakin 

Teray bicharnay ka saniha bhi kamal guzara 

Waqat be'reham sahi shikwa-e-halaat baja

Waqat be'reham sahi shikwa-e-halaat baja 

Aap tadbeer se taqdeer badal saktay hain

Hum se mohabbaton ki numaish na ho sakay gi

Hum se mohabbaton ki numaish na ho sakay gi 

Bas itna jantay hain keh tujhay chahtay hain hum

Tum se be'wafai ka koi gila nahin hai

Tum se be'wafai ka koi gila nahin hai 

Hum to faqat apna raqeeb dhoondtay hain

Meray hi haathon pe meri taqdeer likhi hai

Meray hi haathon pe meri taqdeer likhi hai 

Aur meri hi taqdeer pe mera bas nahin chalta

Jo kuch main keh nahin sakta ussay main farz karta hoon

Jo kuch main keh nahin sakta ussay main farz karta hoon 

Chalo main farz karta hoon mujhay tum se mohabbat hai

Mohabbat aik samandar hai

Mohabbat 

Mohabbat aik samandar hai 

KEh jitna bhi koi doobay 

kinaray par hi rehta hai 

Arshad Malik

Ibtida-e-ishq hai rota hai kya

Ibtida-e-ishq hai rota hai kya 

Aagay aagay dekhiye hota hai kya 

Qaaflay main subha kay ik shor hai 

Yehni ghafil hum chalay sota hai kya 

Sabz hoti hi nahin yeh sar zameen 

Tukham-e-khwaish dil main to hota hai kya 

Yeh nishaan-e-ishq hain jaatay nahin 

Daagh chaati kay Abs dhoota hai kya

Agar be'wafaon ki alag duniya hoti saahib

Agar be'wafaon ki alag duniya hoti saahib 

Hamara yaar wahan ka baadshah hota

Mohabbat Hamsafar meri

YEh lamhon ki nahin hai yeh to sadiyon ki musafat hai 

Kisi ki yaad ka sehraa, mohabbat hamsafar meri

Ghubaar-e-raah main kuch door tak hi saath deta hai 

Wohi ik main wohi tanha , mohabbat hamsafar meri 

Wohi her waqat sochon par kisi ki yaad ka pehra 

Wohi din raat ka jalna , mohabbat hamsafar meri

Woh milay bhi to khuda kay darbaar main "Ghalib"

Woh milay bhi to khuda kay darbaar main "Ghalib"

Ab tu hi bata , Mohabbat kartay ya Ibaadat

Darust kar hi liya main ne aaj raat nazriya apna

Darust kar hi liya main ne aaj raat nazriya apna 

KEh dard na ho to , , , , , , Mohabbat mazaaq lagti hai

Tum se milta hoon to is soch main par jaata hoon

Tum se milta hoon to is soch main par jaata hoon 

Keh waqat kay paaon main zanjeer main daalon kaisay

Ae dost raah-e-zeest main chal ehtiyaat se

Ae dost raah-e-zeest main chal ehtiyaat se 

Girtay huyon ko yahan thaamta koi nahin

Aaj bhi waisa hi mousam hai

Aaj bhi waisa hi mousam hai 

Aaj bhi waisay hi badal hain 

Aaj bhi waisi hi baarish hai 

JAb hum pehli baar milay thay 

Yaad hai , hum ne yeh socha tha 

Hum ko miltay dekh kar mousam 

Itna khush hai , itna khush keh 

Is ki aankhein bheeg gayi hain 

Magar aaj yeh jaan gaye hain 

Mousam us din kiyon roya tha

Be'wafa sanam se to cigrette achi hai

Be'wafa sanam se to cigrette achi hai 

Dil jalaati hai magar honton se to lagaati hai

Aik dua aap kay naam

Aik dua aap kay naam 

MAin ne sab chragh bujha diye 

Meray ghar main ho chahye raat bhi 

Teray ghar main rahay sada roshni 

Teray sab andheray milain mujhay 

Meri roshni teray naam ho 

Teray rat'jagay main ne lay liye 

Meri neend tujh ko naseeb ho

Chahye dooriyan rahain mera muqaddar 

Tera pyaar teray qareeb ho

Nahin hai na'umeed Iqbal apni kasht-e-veeran se

Nahin hai na'umeed Iqbal apni kasht-e-veeran se

Zara nam ho to yeh matti bhout zarkhaiz hai saqi

Yeh kainaat abhi na'tamaam hai shayed

Yeh kainaat abhi na'tamaam hai shayed

KEh aa rahi hai dama-dam sada-e-"Kun'fauakon"

Teri dua se qaza to badal nahin sakti

Teri dua se qaza to badal nahin sakti 

Magar hai is se yeh mumkin keh tu badal jaye

Teri khudi main agar inqalaab ho paida 

Ajab nahin hai keh yeh chaar soo badal jaye

Wohi sharab, wohi haye-o-hoo rahay baaqi 

Tareeq-e-saqi-o-rasam kadu badal jaye 

Teri dua hai keh ho teri aarzoo poori 

Meri dua hai teri aarzoo badal jaye

Uqaabi rooh jab baidaar hoti hai jawano main

Uqaabi rooh jab baidaar hoti hai jawano main 

Nazar aati hai un ko apni manzil Aasmano main

Rakh meray haath par apnay haath ka bharosa

Rakh meray haath par apnay haath ka bharosa 

Keh ab kay hum bichray to mout aa jaye 

Suna hai mil jaati hai her cheez dua se

Suna hai mil jaati hai her cheez dua se 

Ek baar tumhain maang kar dekhein gay khuda se

Yeh ishq-o-mohabbat samjh se baala tar hain

Yeh ishq-o-mohabbat samjh se baala tar hain

Ilam hota to aalam hotay , fun hota to maahir hotay

Murshad se kaha !! dard-e-mohabbat ki dawa do

Murshad se kaha !! dard-e-mohabbat ki dawa do 

Hazrat ne muskura kar kaha , , , , Aur Mohabbat

Parwaz hai dono ki isi aik fiza main

Parwaz hai dono ki isi aik fiza main 

Kargas ka jahan aur hai , shaheen ka jahan aur 

Alfaaz-o-mahni main tfawat nahin lakin 

Mulla ki azaan aur , mujahid ki azaan aur

Kabhi khamosh baitho gay , kabhi kuch gun'gunao gay

Kabhi khamosh baitho gay , kabhi kuch gun'gunao gay

Main itna yaad aayon gi mujhay jitna bhulao gay

Koi jab pooch baithay ga khamoshi ka sabab tum se

Bhout samjhana chaho gay magar samjha na paao gay

Kabhi duniya mukamal ban kay aaye gi nigahon main

Kabhi meri kami duniya ki her shai main paao gay

Kahin par bhi rahain hum aur tum mohabbat phir mohabbat hai 

tumhain hum yaad aayein gay hamein tum yaad aayo gay

Khamosh ae dil bharri mehfil main chilaana nahin acha

Khamosh ae dil bharri mehfil main chilaana nahin acha 

Adab pehla qareena hai , mohabbat kay qareeno main

Mohabbat rog ban jaati hai

Mohabbat rog ban jaati hai 

Jab seenay main utar jaye 

JAb khil kar bikhar jaye 

Jab had se guzar jaye 

Dilon ka sog ban jaati hai 

Mohabbat rog ban jaati hai

Nigah-e-yaar pe palkon ki gar lagaam na ho

Nigah-e-yaar  pe palkon ki gar lagaam na ho 

Badan main door talak zindagi ka naam na ho 

Woh be'niqaab jo phirta hai gali koochon main 

To kaisay shaher kay logon main qatal-e-aam na ho 

Mujhay yaqeen hai keh duniya main dard barh jayein 

Agar yeh peenay pilaanay ka ehtamaam na ho 

Bitha kay samnay bas dekhta rahoon tujh ko 

Teray siwa mujhay duniya ka koi kaam na ho 

Jo us ko dekh lay mehtaab ik nazar "Danish"

Meray shaher ki fizaon main kabhi shaam na ho 

Dard ki dil pe hakoomat thi , kahan tha us waqat

Dard ki dil pe hakoomat thi , kahan tha us waqat 

JAb mujhay teri zaroorat thi , kahan tha us waqat 

Mout kay sukh main chala aaya mujhay dekhnay ko 

Zinda rehnay ki museebat thi , kahan tha us waqat 

Dil kay dariyaon main ab rait hai sehraaon ki 

JAb mujhay tujh se mohabbat thi , kahan tha us waqat

Main ne yeh kaam apni khushi se kiya hai ya

Narazgi 

Main ne yeh kaam 

apni khushi se kiya hai ya 

Kisi majboori kay tehat 

Maloom nahin lakin 

Yeh hua hai 

Keh main ne 

Apni tanhaiyon ki ungliyon se 

Tumhari taadon ki angoothiyan 

Utaar phainki hain 

 

 

Zakhm yaadon kay nahin mit'tay hain asaani se

Zakhm yaadon kay nahin mit'tay hain asaani se

Daagh dhultay hain kahan behtay huye paani se 

Dekhti jaati hoon mailay ka tamasha chup chaap 

Kya pata bol paray aankh hi veerani se 

Roshni ka yeh khazana meri aankhein hi na hon 

Shamma to main ne bhujha di hai parishaani se 

Meray chehray pe jhalakta hai kisi aur ka aks

Aaina dekh raha hai mujhay hairaani se

Baandh li main ne dua rikhat-e-safar main "Naina"

Dar jo lagta hai mujhay be'sar-o-samani se

Bas ik meri baat nahin thi sab ka dard december tha

Sab ka dard december tha

Bas ik meri baat nahin thi sab ka dard december tha

Barf kay shaher main rehnay wala ik ik fard december tha

Pichlay saal kay aakhir main bhi hairat main hum teeno thay 

Ik main tha , ik tanhai thi , ik be'dard december tha 

Apni apni himmat thi aur apni apni qismat thi 

Haath kisi kay neelay thay aur peela zard december tha 

Phoolon pe taari tha sakta aur khushboo sehmi sehmi thi 

Khouf'zada tha gulshan sara aur dehshat'gard december tha 

Yeh jo teri aankh main pani yeh jo teri baat main sardi 

Itna hamein batao tum , kya hamdard december tha 

Wadi-e-ishq se koi nahin aaya jaa kar

Wadi-e-ishq se koi nahin aaya jaa kar 

Ayo awaz lagaein sar-e-sehraa jaa kar 

Bazam-e-janaa main to sab ehal-e-talab jaatay hain 

KAbhi maqtal main bhi dikhlaein tamasha jaa kar 

Kin zameeno pe meri khaak kahoo roye gi 

Kis samandar main girain gay meray dariya jaa kar 

Aik marhoom si umeed hai tujh se warna 

Aaj tak aaya nahin koi maseeha jaa kar 

Dekh yeh hosla mera meray buz'dil dushman 

Tujh ko lashkar main pukaara tan-e-tanha jaa kar 

US sheh-e-husan kay dar pe hai faqeeron ka hajoom 

yaar hum bhi na karain arz-e-tamana jaa kar 

Hum tumhain manah to kartay nahin  janay se "Faraz"

Jaa usi dar pe magar haath na phailaa jaa kar

Hadees-e-ishq yahan moh'tabar nahin rehti

Hadees-e-ishq yahan moh'tabar nahin rehti

Nazar main ho jo khiyanat , nazar nahin rehti

Mareez-e-gham pe ik aisi bhi shaam aati hai

KEh chara gar ko umeed-e-sehar nahin rehti

MAreez un ki sada sun kay chonk uth'ta hai

Phir is kay baad kisi ki khabar nahin rehti

Hazaar baagh-e-mohabbat pe Aaftein tootein

YEh shaakh nakhl-e-wafa be'samar nahin rehti

Tamaam ehal-e-gulistan ne koshishein kar lein 

Bahaar had se ziyada magar nahin rehti

Chalo hum kuch khaas kartay hain

Chalo hum kuch khaas kartay hain 

Chalo hum tumhain maaf kartay hain 

Chalo hum khud ko kahin rakh kay bhool jatay hain 

JAisay qabron par rakhye phool jaatay hain 

Chalo hum tumhain chor detay hain 

Her khushi se munh mor letay hain 

Chalo hum mar hi jaatay hain 

Tumhari khaatir itna to kar hi jaatay hain